अंजोर.बलौदाबाजार, 30 जून 2021। जिला कार्यालय परिसर बलौदाबाजार म कलेक्टर सुनील कुमार जैन डहर ले 80 प्रतिशत ले जादा दिव्यांगता वाला अस्थिबाधित 14 दिव्यांगजन ल बैटरी चलित ट्रायसायकल के दे गिस। ए मउका म ओमन सबो के उज्जवल भविष्य के शुभकामना देत, कोविड संक्रमण ले सुरक्षित रेहे अउ टीका लगवाये ल किहिन।
कार्यक्रम के संबंध म जानकारी देत उप संचालक समाज कल्याण आशा शुक्ला ह बताइन के कोरोना संक्रमण ल देखत रखत बड़का आयोजन न करके विकासखण्डवार पहिली आवेदित पात्र हितग्राही मन ल मोटराईज्ड ट्रायसायकल के वितरण करे जात हावय। ए क्रम म आज विकासखण्ड बिलाईगढ अउ कसडोल के 14 दिव्यांगजन ल बैटरी चलित ट्रायसायकल के वितरण करे गे हावय। लाभान्वित हितग्राही मन के नाम दुखुराम चौहान देवगांव, पंचराम साहू गोविन्दबंद, जमुना बाई खुटें रायकोना, रूखदास साहू जमगहन, पंचराम पटेल धोबनी, जयकुमार यादव कुशगढ, रामफल सागर पुरगांव, गणेशी बंजारे मोहतरा, दुर्गाकेंवट अमलडीहा, गोपीचंद निराला मुडपार, मोहन लाल चौहान जिलाईपाली, नवरतन मानिकपुरी रिकोटार,श्यामबाई मुछमलदा, उषा पटेल साजापाली के निवासी हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।