अंजोर.रायपुर, 30 जून 2021। कृषि विभाग डहर ले छत्तीसगढ़ म खरीफ अउ रबी फसल मन के खातिर प्रधानमंत्री फसल बीमा योजना प्रदेश के सबो जिला म लागू कर दे गे हावय। साल 2021-22 के खरीफ अउ रबी मौसम के खातिर राज्य स्तरीय तकनीकी समिति के अनुमोदन के बाद जिलेवार करार ऋणमान प्रति हेक्टेयर के योजना ले प्रति हेक्टेयर बीमित रकम के रूप म अधिसूचित करे गे हावय। मंत्रालय महानदी भवन ले जारी ये अधिसूचना साल 2021-22 के खरीफ अउ रबी मौसम म प्रधानमंत्री फसल बीमा योजना के क्रियान्वयन के खातिर करे गे हावय। एसो खरीफ फसल मन के खातिर किसान 15 जुलाई 2021 तक बीमा करा सकत हावय।
जानबा होवय के छत्तीसगढ़ म ए योजना ले किसान मन ल बीमा कव्हरेज ले खड़े फसल म बुवाई ले लेके फसल के कटाई तक अउ उंकर बाद होवइया नुकसान ल शामिल करे गे हावय। योजना म किसान मन के कम वर्षा या प्रतिकूल प्राकृतिक परिस्थिति के सेती बुवाई नी होए म भी बीमा के लाभ मिलही। इही रकम ले फसल कटाई के बाद खेत म सूखे के खातिर छोड़े गे फसल के क्षति होए म भी किसान मन ल बीमा के लाभ मिलही। किसान मन के खड़ी फसल म सूखा, बाढ़, कीट व्याधि, अग्नि अउ आन प्राकृतिक कारण ले होवइया नुकसान ल भी बीमा म शामिल करे गे हावय।
योजना के खातिर जिलावार फसल अधिसूचित करे गे हावय, खरीफ सीजन म सिंचित अउ असिंचित धान के अलावा मक्का, सोयाबीन, मूंगफल्ली, तुअर (अरहर), मूंग अउ उड़द के शामिल करे गे हावय। इही रकम ले रबी फसल के ले सिंचित अउ असिंचित गेहूं फसल के अतिरिक्त चना, राई, सरसो, अलसी ल शामिल करे गे हावय। फसल के रकबा 10 हेक्टेयर या ओकर ले जादा होए म संबंधित बीमा इकाई म अधिसूचित करे जाही। बीमा योजना म ऋणी किसान अउ गैर ऋणी किसान शामिल हो सकत हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।