अंजोर.रायपुर, 26 जून 2021। नगरीय प्रशासन अउ विकास मंत्री डॉ. शिवकुमार डहरिया ह स्मार्ट सिटी ले डाटा मैच्योरिटी असेसमेंट फ्रेमवर्क (डीएमएएफ) रैंकिंग म रायपुर के टॉप 10 म जगह बनाये म रइपुरिहा मनला बधाई अउ शुभकामना दीस हावय। ओमन अपन बधाई संदेश म किहिन के आम नागरिक के बदौलत ही एक बार फेर छत्तीसगढ़ राज्य ह उपलब्धि हासिल करे हावय। स्वच्छता, पीएम आवास-मोर जमीन मोर मकान, म्युनिसिपल परफॉर्मेंस इंडेक्स सहित आन योजना मन के क्रियान्वयन म भी हमर राज्य के पुरस्कार मिल चुके हावय।
मंत्री डॉ. डहरिया ह किहिन हावय के मुख्यमंत्री के नेतृत्व म हमर राजधानी स्वच्छ अउ सुंदर बनत हावय। ओमन किहिन के योजना मन के बढि़या क्रियान्वयन ले न सिर्फ रायपुर के स्वरूप बदला हावय। आम नागरिक ल केऊ सुविधा उपलब्ध कराये के दिशा म भी बढि़या बुता होइस। ओमन किहिन के स्मार्ट सिटी मिशन के माध्यम ले आने वाला दिन म भी रायपुर म बहुत अकन बुता होही अउ आम लोगन ल येकर लाभ मिलही।
जानबा होवय के शहरी बुता मंत्रालय डहर ले स्मार्ट सिटी मिशन, अमृत योजना अउ प्रधानमंत्री शहरी घर योजना के 6 साल पूरा होए म रैंकिंग के घोषणा करे गिस। रायपुर स्मार्ट सिटी ह क्लाइमेट स्मार्ट सिटी असेसमेंट फ्रेमवर्क के जारी रैंकिंग म थ्री स्टार रेटिंग अउ डाटा मैच्योरिटी असेसमेंट फ्रेमवर्क के रैंकिंग म टॉप 10 म जगह बनाये हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।