अंजोर.धमतरी, 26 जून 2021। स्वामी आत्मानंद उत्कृष्ट अंग्रेजी माध्यम स्कूल के संचालन जिला मुख्यालय सहित विकासखण्ड कुरूद, मगरलोड अउ नगरी म करे जात हावय। जिला शिक्षा अधिकारी डा. रजनी नेल्सन ह बताइन के ये शाला म अंग्रेजी माध्यम व्याख्याता, प्रधानपाठक (पूर्व माध्यमिक शाला अउ प्राथमिक शाला) शिक्षक, सहायक शिक्षक, सहायक शिक्षक विज्ञान प्रयोगशाला, ग्रंथपाल, कम्प्यूटर शिक्षक, व्यायाम शिक्षक सहित सहायक सहायक ग्रेड-02, सहायक ग्रेड-03 के खाली पद म संविदा भरती करे जाना हावय।
ओमन बताइन के आवेदन जमा करे के आखरी तिथि 10 जुलाई 2021 संझा 5.00 बजे तक करार करे गे हावय। इच्छुक आवेदक विज्ञापन के विस्तार ले जानकारी, आवेदन पत्र के प्रारूप अउ पात्रता शर्त के विवरण जिला के वेबसाइट http://dhamtari.gov.in अउ जिला शिक्षा कार्यालय के विभागीय वेबसाइट http://deodhamtari.in ले डाउनलोड कर सकत हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।