Home News Contact About

विज्ञापन खातिर आरो करव-

jayantsahu9@gmail.com
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

छत्तीसगढ़ के हर्बल उत्पाद अब अमेजन म, मुख्यमंत्री करिस ‘वन शहद‘ के आर्डर

अंजोर.रायपुर, 26 जून 2021। छत्तीसगढ़ के हर्बल उत्पानद अब ’छत्तीसगढ़ हर्बल्स’ के ब्रांड नेम ले ऑनलाइन प्लेटफार्म अमेजन एप म उपलब्ध हो गे हावयं। येकर ले छत्तीसगढ़ के वनवासी क्षेत्र के आदिवासी महिला मन के समूह डहर ले लघुवनोपज ले तइयार करे जाथे केऊ उपभोक्ता उत्पा द ल अब देश-विदेश म अच्छा बाजार मिलही। मुख्यमंत्री भूपेश बघेल आज छत्तीसगढ़ हर्बल्स के उत्पातद के अमेजन एप म पहिली ग्राहक बनिस। 

ओमन ए एप म महिला स्व मदद समूह डहर ले तइयार ‘वन शहद‘ के खातिर ऑर्डर करिन। वन शहद, आर्गेनिक बस्तर काजू, चिरौंजी, महुआ लड्डू जइसे केऊ उत्पा द अब अमेजन म उपलब्ध हो गे हावयं। मुख्यमंत्री श्री बघेल ह छत्तीसगढ़ राज्य लघु वनोपज संघ डहर ले करे ए पहल के सराहना करत किहिन के अमेजन म उपलब्ध होए ले ये उत्पागद के देश भर म एक बड़े मार्केट अउ पहचान दिलाये म मदद मिलही।

छत्तीसगढ़ राज्य लघुवनोपज संघ ह हाल ही म अमेजन ले उंकर सहेली प्रोग्राम के ले महिला उद्यमी मनला प्रोत्साहन दे के खातिर करार करिन हावय। सहेली प्रोग्राम अमेजन के एक सराहनीय प्रयास हावय, जेकर ले एक टीम, महिला उद्यमी मनके डहर ले बनाए उत्पा द ल विशेष मदद अउ उंकर बिक्री बढ़ाये के खातिर ट्रेनिंग देत हावय। लघुवनोपज संघ के ये प्रयास डहर ले महिला उद्यमी के उत्पागद ल एक बड़े मार्केट मिलही अउ उंकर जीविकोपार्जन के जबर साधन बनही। जानबा होवय के लगभग 13 लाख 50 हजार वनवासी परिवार के उत्थान के खातिर छत्तीसगढ़ राज्य लघुवनोपज संघ डहर ले सरलग प्रयास करे जात हावयं। 

वनवासी जनजाति मन डहर ले सकेले लघुवनोपज के न्यूनतम समर्थन कीमत म खरीद के ओला महिला स्वसहायता समूह डहर ले संचालित, वन धन विकास केन्द्र म केऊ उपभोक्ता उत्पााद म परिवर्तित करे जात हावय। छत्तीसगढ़ के जंगल के ये अमूल्य लघु वनोपज ले बने उत्पा द के छत्तीसगढ़ हर्बल्स के ब्रांड ले मार्केट म उपलब्ध कराये जात हावय। वन शहद, आर्गेनिक बस्तर काजू, चिरौंजी, महुआ लड्डू जइसे केऊ उत्पाेद अब अमेजन म मिलही। 

कोई टिप्पणी नहीं:

एक टिप्पणी भेजें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
वाट्सअप- 9826753304
ई मेल : jayantsahu9@gmail.com

कला-संस्कृति-साहित्य

follow us

Twitter Twitter
Facebook Facebook
Youtube Youtube
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285