राजनांदगांव म शर्त के संग खुलगे मंदिर, एक समय म 5 मनखे रइही

अंजोर.राजनांदगांव, 26 जून 2021। कोरोना पॉजिटिव प्रकरण के संख्या म सरलग कमी ल देखत आदेश म आंशिक संशोधन करत राजनांदगांव जिला म पूजा, धार्मिक जगह संचालन के अनुमति शर्तों के अधीन दे गे हावय। आदेश म किहिन के प्रवेश द्वार म सेनेटाइजर डिस्पेंसर अउ थर्मल स्कीनिंग के बेवस्था अनिवार्य होही। परिसर म केवल अलक्षण (बिना लक्षण वाले) मनखे मन ल प्रवेश बर अनुमति दे जाए। फेस कव्हर, मॉस्क के उपयोग करइया मनखे मन के ही प्रवेश के अनुमति होही। कोविड-19 के निवारक उपाय के बारे म पोस्टर, बैनर, स्टैण्डी प्रमुखता ले प्रदर्शित करे जाए। कोविड-19 के निवारक उपाय के बारे म जागरूकता फैलाये के खातिर आडियो, वीडियो क्लिप ल सरलग रूप ले चलाये जाना चाही। 

आगंतुक मनला परिसर म क्रमशः एक के बाद एक ही प्रवेश दे जाए। एक समय म अधिकतम 5 मनखे मन के प्रवेश की अनुमति रइही। एक संग परिसर के भीतर भीड़ इकट्ठा नइ करे जाए। स्वयं के वाहन ले आने वाला श्रद्धालु के जूता, चप्पल वाहन म ही रखे धार्मिक, पूजा जगह म प्रवेश बर निर्देशित करे जाए। आन श्रद्धालु बर अलग-अलग स्लाट मुताबिक जूता, चप्पल रखे के बेवस्था करे जाए। परिसर के बाहिर अउ पार्किंग जगह म सोशल डिस्टेंसिंग, फिजिकल डिस्टेंसिंग के धियान म रखत उचित भीड़ प्रबंधन सुनिश्चित करे जाए।

परिसर के बाहिर अउ भीतर स्थित सबो दुकान, स्टाल, कैफेटेरिया उक म हमेशा सोशल डिस्टेंसिंग के नियम के पालन करना होही। लाइन बेवस्था अउ सोशल डिस्टेंसिंग के पालन कराये बर परिसर म चूना या आन कोनो उचित रंग ले गोल घेरा, सर्कल, निशान लगाये जाए। प्रवेश बर लाइन म खड़े होवइया मनखे मन के मध्य न्यूनतम 6 फीट के शारीरिक दूरी सुनिश्चित करे जाए। आगन्तुक के परिसर म प्रवेश करे ले पहिली अपन हाथ अउ पैर ल साबून अउ पानी ले धोना होही। बइठे के बेवस्था ए रकम ले करे जाए करे के पर्याप्त सोशल, फिजिकल डिस्टेंसिंग (दूरी) बने रहय। एयर कंडिशनिंग, वेंटीलेशन के खातिर सीपीडब्ल्यूडी के दिशा-निर्देश के पालन करे जाए जेकर ले सबो एयर कंडिशनिंग उपकरण के तापमान 25 ले 30 डिग्री सेल्सियस अउ रिलेटिव ह्यूमीडीटि 40 ले 70 प्रतिशत के सीमा म होना चाही। ताजा हवा अउ क्रास वेल्टीनेशन बर पर्याप्त बेवस्था सुनिश्चित के जाए।

मूर्ति, धार्मिक ग्रंथ उक के स्पर्श करे के अनुमति नइ होही। धार्मिक जगह म बड़े सभा, मंडली कार्यक्रम के आयोजन प्रतिबंधित होही। संक्रमण फैले के संभावना ल देखत जिहां तक संभव हो रिकार्ड करे गे भक्ति संगीत, गाना बजाये जा सकत हावयं। आदेश म यहू केहे गे हावय के धार्मिक, पूजा संस्थान के प्रबंधन डहर ले धार्मिक, पूजा जगह के सरलग साफ-सफाई अउ डिसइंफेक्शन करे बेवस्था जाए। परिसर के फर्श के विशेष रूप ले दिन म कई बार साफ करे जाए। आगंतुक या कर्मचारी मन डहर ले उपयोग करे गे फेस कव्हर, मॉस्क, दस्तान के उचित निपटान बर बेवस्था सुनिश्चित कर जाए अउ वेक्सीनेशन (टीकाकरण) बर प्रेरित करे जाए।