अंजोर.रायपुर, 26 जून 2021। मुख्यमंत्री दाऊ भूपेश बघेल ह छत्तीसगढ़ आदिवासी, स्थानीय स्वास्थ्य परंपरा अउ दवई पादप बोर्ड डहर ले प्रकाशित ’जड़ी बूटी-दैनंदिनी 2021’ के आज विमोचन करिन। मुख्यमंत्री श्री बघेल ल पादप बोर्ड के अध्यक्ष श्री पाठक ह बताइन के ए जड़ी-बूटी दैनंदिनी म परंपरागत वैद्य के सूची, पारंपरिक ज्ञान आधारित सलाह केन्द्र, होम हर्बल गार्डन, औषधीय पौधा मन के उपयोग करे के विधि, औषधीय पौधा मन के खेती बर अनुदान राशि, औषधीय पौधा मन के खेती के तरीका, औषधीय पौधा मन के संग्रहण, प्राथमिक प्रसंस्करण अउ कीमत संवर्धन अउ मानव शरीर के रोग म उपयोग होवइया औषधीय पौधा मन के बारे म विस्तार ले जानकारी हावय।
ये दैनंदिनी किसान, विभाग के अधिकारी मन, भू-स्वामी, सामाजिक संस्था, पढ़ईया मन के संग ही गृहिणी मनके खातिर भी लाभकारी होही। औषधीय पौधा मन के खेती करइया किसान समूह ल औषधीय पौधा मन के खेती, खेती बर अनुदान राशि, उत्पादन के पाछु प्रसंस्करण अउ कीमत संवर्धन के संग ही कम लागत अउ कम समय म जादा आमदनी पाये अउ किसान मनके कृषि संबंधित समस्या के समाधान के भी उल्लेख करे गे हावय।
ए मउका म वन मंत्री मोहम्मद अकबर, छत्तीसगढ़ आदिवासी, स्थानीय स्वास्थ्य परंपरा अउ दवई पादप बोर्ड के अध्यक्ष बालकृष्ण पाठक, वन विभाग के प्रमुख सचिव मनोज कुमार पिंगुआ, प्रधान मुख्य वन संरक्षक अउ वनबल प्रमुख राकेश चतुर्वेदी, छत्तीसगढ़ आदिवासी, स्थानीय स्वास्थ्य परंपरा अउ औषधी पादप बोर्ड के मुख्य कार्यपालन अधिकारी जे.ए.सी.एस. राव एवँ परंपरागत वनौषधि प्रशिक्षित वैद्य संघ छत्तीसगढ़ के प्रांतीय सचिव निर्मल कुमार भी उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।