अंजोर.सूरजपुर, 19 मई 2021। पुलिस अधीक्षक राजेश कुकरेजा ह प्रतापपुर क्षेत्र के दौरा करत थाना क्षेत्र के गांव सिलौटा म लगाए गे चेकपोस्ट के निरीक्षण करिन। इहां तैनात पुलिस बल ल दीगर जिला ले अइवया लोगन म सतत निगरानी रखे ल किहिन। पुलिस अधीक्षक ह प्रतापपुर अनुभाग के एसडीओपी अउ थाना प्रभारी ल थाना म लंबित अपराधिक प्रकरण के निराकरण के खातिर अउ कोविड 19 कोरोना वायरस संक्रमण के रोकथाम के खातिर निर्देशित करिन।
पुलिस अधीक्षक ह एसडीओपी प्रशांत खाण्डे अउ थाना प्रभारी विकेश तिवारी ल किहिन के गांव म होवइया बिहाव के बखत प्रशासन डहर ले जारी कोरोना प्रोटोकाल के मुताबिक सामाजिक दूरी बनाये रखे अउ भीड़भाड़ नइ करे के खातिर लोगन ल जागरूक करे ल किहिन। येकर अलावा ओमन जवान मन ले गोठबात करके उंकर समस्या ल जानके अउ ओकर निराकरण करे। ओमन एसडीओपी ले आपरेशन रक्षक अभियान के बुता ल जानिय अउ लोगन ल कोरोना संक्रमण ले बचाव के खातिर वैक्सीन लगवाये के खातिर प्रेरित करे के निर्देश दिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।