नरवा अउ डबरी बनाये के बुता के आरो ले खातिर कलेक्टर पहुंचिस गांव

अंजोर.अम्बिकापुर, 19 मई 2021। जिला कलेक्टर संजीव कुमार झा ह लखनपुर जनपद के गांव पंचायत पुटा म नरवा विकास अउ डबरी निर्माण के निरीक्षण करे खातिर पहुचिन। ओमन डबरी के इनलेट-आउट लेट सहित बरसात ले पहिली निर्माण बुता पूरा कराये के निर्देश अधिकारी मनला दिस।

कलेक्टर ह ग्राम पंचायत पुटा के आश्रित गांव गोरिया पीपर के चेउरढोढ़ी नाला म  नरवा विकास के जल संचयन बर करीब 11 लाख 50 हजार रूपिया के लागत ले बने जल संचयन संरचना के निरीक्षण करिन। ओमन संरचना विस्तार के खातिर स्ट्रगल ट्रेंच अउ 30×40 मॉडल संरचना बर प्रस्ताव तइयार करे के निर्देश दिस। ओमन नाला म कुछ दूर म जल संसाधन विभाग डहर ले निर्मित स्टॉप डेम के भी निरीक्षण करिन। स्टॉप डेम ल चलित डेम म परिवर्तित करे के खातिर स्थानीय  संसाधन ले सुधार करे ल किहिन। ओमन डेम ले पानी निकलत रिहि येकर खातिर बोरी बंधान के तर्ज म बांध बनाये के निर्देश दिस।

येकर पाछु कलेक्टर ह करीब 2.99 लाख रूपिया के लागत ले बनत डबरी के निरीक्षण करिन। ओमन मजदूर मन के संख्या कम होए म मजदूर मनके संख्या बढ़ाये अउ डबरी म बरसात के पानी आये अउ निकले के खातिर ये लेट-आउट लेट के भी बेवस्था रखे के निर्देश दिस। ओमन किहिन के ग्राम पंचयत म निर्माणाधीन सबो डाबरी मनके बरसात ल पहिली पूरा कराये ताकि किसान मन ल येकर ले फायदा मिल सके। ए बखत ओमन मजदूर मनके मजदूरी भुगतान अउ रोजगार के संबंध म पूछताछ तको करिन। ये मउका म जिला पंचायत के सीईओ विनय कुमार लंगेह, सहायक कलेक्टर सुश्री श्वेता सुमन, जनपद सीईओ अजय सिंह, पीओ अभिषेक मिंज सहित आन अधिकारी मौजूद रिहिस।