कोरोना अभी सिराये नइये, आगू के तइयारी म राहव : प्रभारी मंत्री मोहम्मद अकबर

अंजोर.राजनांदगांव, 19 मई 2021। पर्यावरण, वन मंत्री अउ जिला के प्रभारी मंत्री मोहम्मद अकबर ह वीडियो कांफ्रेसिंग के जरिए जिला खनिज संस्थान न्यास 'शासी परिषद’ के बइठक लीस। कलेक्टोरेट सभाकक्ष म उपस्थित जनप्रतिनिधी, अधिकारी मन ले वीडियो कांफ्रेसिंग के माध्यम ले जुरिन। प्रभारी मंत्री ह ए मउका म कोविड-19 के रोकथाम, बचाव अउ राहत कार्य, स्वास्थ्य, पेयजल, शिक्षा, अधोसंरचना, स्वच्छता संबंधी बुता के खातिर 5 करोड़ 31 लाख 26 हजार रूपिया के स्वीकृति प्रदान करिन। 

ए मउका म संसदीय सचिव इंद्रशाह मंडावी, अध्यक्ष आन पिछड़ा वर्ग विकास प्राधिकरण अउ डोंगरगांव विधायक दलेश्वर साहू, अध्यक्ष अनुसूचित जाति विकास प्राधिकरण अउ डोंगरगढ़ विधायक भुनेश्वर बघेल, विधायक खुज्जी श्रीमती छन्नी साहू, विधायक खैरागढ़ श्री देवव्रत सिंह, जिला पंचायत अध्यक्ष श्रीमती गीता साहू, विधायक प्रतिनिधि राजनांदगांव लीलाराम भोजवानी, कलेक्टर टोपेश्वर वर्मा, जिला पंचायत सीईओ अजीत वसंत अउ डीएमएफ के नोडल अधिकारी मुकेश रावटे बइठक म शामिल होइन।

प्रभारी मंत्री श्री अकबर ह किहिन के कोरोना संक्रमण अभी खतम नइ होए हावय। आने वाला परिस्थिति अप्रत्याशित हावयं। इही सेती कोरोना संक्रमण के चुनौति ल सामना करे के खातिर आगू ले तइयारी रखे के जरूरत हावय। जिला खनिज संस्थान न्यास निधि म जतका रकम उपलब्ध हावय ओकर 50 प्रतिशत कोविड-19 संक्रमण बर राहत बुता के खातिर आरक्षित रखे जाए। ओमन किहिन के कोविड-19 संक्रमण के रोकथाम के खातिर राहत बुता बर सबोच विधायक के 30-30 लाख रूपिया के प्रस्तुत प्रस्ताव के अनुमोदन करे जात हावय। संसदीय सचिव इंद्रशाह मंडावी ह आत्मानंद इंग्लिश मीडियम स्कूल के आंकलन के संबंध म जानकारी लीस। अध्यक्ष आन पिछड़ा वर्ग विकास प्राधिकरण दलेश्वर साहू ह किहिन के वो डीएमएफ मद ले डोंगरगांव क्षेत्र के खातिर कोरोना के विषम परिस्थिति म एम्बुलेंस अउ शव वाहन के बेवस्था करना चाही, जेकर खातिर ओमन प्रभारी मंत्री ले स्वीकृति दे के खातिर गेलौली करिन। ओमन किहिन के कृषि उपज मंडी म किसान गर्मी के दिन के धान बेचना चाहत हावयं येकर खातिर ओमन प्रभारी मंत्री ले किसान मन के हित म कृषि उपज मंडी खोले के खातिर गेलौली करिन। 

कलेक्टर टोपेश्वर वर्मा ह किहिन के जिला म कोरोना संक्रमण के केस कम होए हावयं। प्रभारी मंत्री के रूप म आपके मार्गदर्शन सतत मिलत रिहिन हावय। सबो के समन्वित प्रयास ले जिला म कोरोना संक्रमण के स्थिति अब नियंत्रित होए हावय। अभी के बेरा समय म शासकीय मेडिकल कॉलेज म अऊ 300 बेड के बेवस्था करे गे हावय।