स्वामी आत्मानंद अंग्रेजी स्कूल म प्रतिनियुक्ति के पद भरती खातिर आवेदन 31 मई तक

अंजोर.रायपुर, 18 मई 2021। जिला कलेक्टर डॉ. एस. भारतीदासन ह संचालक लोक शिक्षण संचालनालय छत्तीसगढ़ अटल नगर नवा रायपुर के चिट्ठी के मुताबिक रायपुर जिला के स्वामी आत्मानंद अंग्रेजी माध्यम उत्कृष्ट विद्यालय म आने-आने पद म प्रतिनियुक्ति के माध्यम ले भरती करे के आदेश जारी करे  हावय।

ए योजना ले रायपुर जिला के स्वामी आत्मानंद अंग्रेजी माध्यम उत्कृष्ट विद्यालय कुरा, धरसींवा, स्वामी आत्मानंद अंग्रेजी माध्यम उत्कृष्ट विद्यालय मानाकैम्प, वि. खं. धरसींवा, स्वामी आत्मानंद अंग्रेजी माध्यम उत्कृष्ट विद्यालय अभनपुर, वि.खं. अभनपुर, अ.दे. अंग्रेजी माध्यम उत्कृष्ट विद्यालय आरंग वि.खं. आरंग, नगर माता बिन्नी बाई सोनकर अंग्रेजी माध्यम उत्कृष्ट विद्यालय भाटागांव रायपुर, प्रियदर्शनी अंग्रेजी माध्यम उत्कृष्ट विद्यालय नेवरा, वि. खं. तिल्दा, पं.आर.डी. तिवारी अंग्रेजी माध्यम उत्कृष्ट विद्यालय रायपुर, बी.पी.पुजारी अंग्रेजी माध्यम उत्कृष्ट विद्यालय राजातालाब, रायपुर अउ शहीद स्मारक अंग्रेजी माध्यम उत्कृष्ट विद्यालय फाफाडीह, रायपुर म व्याख्याता, प्रधानपाठक, शिक्षक, सहा.शिक्षक अउ आन कार्यालयीन स्टाफ के पद म इच्छुक आवेदक मनले 31 मई संझा 5 बजे तक आवेदन आमंत्रित करे  गे हावय।

ये पद मनके खातिर छत्तीसगढ़ शासन के आने-आने विभाग के सरलग शासकीय कर्मचारी, जेन विज्ञापन म दे गे शर्त ल पूरा करत हावय, वो अपन चयनित शाला के खातिर आवेदन कर सकत हावयं। आवेदन कार्यालय जिला शिक्षा अधिकारी, टैगोर नगर चौक पेंशन बाड़ा, रायपुर म स्पीड पोस्ट या रजिस्टर्ड डाक ले जमा करना होही। ये पद म प्रतिनियुक्ति के खातिर आवेदक ल अंग्रेजी भाषा म धाराप्रवाह लिखना, पढ़ना अउ बोलना आना चाही। आवेदित पद के खातिर न्यूनतम शैक्षणिक योग्यता होना चाही। आवेदक के आवेदित पद म बुता करे के 5 साल के अनुभव होना चाही। नियोक्ता या जिला शिक्षा अधिकारी रायपुर के अनापत्ति अउ सनिष्ठा प्रमाण पत्र आवेदन के संग जमा करना होही। छत्तीसगढ़ शासन स्कूल शिक्षा विभाग, डहर ले 25 फरवरी 2021 के जारी प्रतिनियुक्ति के सेवा शर्ते प्रभावी होही। आवेदक ये सबो पद के खातिर विज्ञापन के विस्तार ले विवरण deoraipur.com म देख सकत हावयं।