भूपेश मंत्री परिषद के कोरी अकन जबर नीक फइसला : राजीव गांधी किसान न्याय योजना, मुख्यमंत्री वृक्षारोपण प्रोत्साहन योजना, गोधन न्याय योजना अउ छत्तीसगढ़ महतारी दुलारी योजना के सोर

 

अंजोर.रायपुर, 18 मई 2021। छत्तीगसढ़ ह भूपेश दाऊ के सियानी म दिन-दिन खुशहाल होवत हावय। गांव के किसान, बनिहार, बैपारी ले लेके बड़का सेठ साहूकार सबो बर कुछ न कुछ जबर नीक फइसला उंकर सरकार लेवत हावय। इही ओढ़र म मुख्यमंत्री भूपेश बघेल ह अपन मंत्री परषिद के वर्चुअल बइठका राखे रहिन जेमा 15 महत्वपूर्ण निर्णय लिसे। 

• 1. लद्दाख डंडोचाड़ना सीमा म होए झड़प म 16 जून 2020 के शहीद सिपाही गणेश राम जी (बिहार रेजीमेंट) के बहिनी कु. गंगा कुंजाम ल जिला शिक्षा अधिकारी उत्तर बस्तर कांकेर के अतर्गत सहायक ग्रेड-3 तृतीय श्रेणी के पद म विशेष प्रकरण मानत अनुकंपा नियक्ति प्रदान करे के फइसला लिस।
• 2. छत्तीसगढ़ राज्य म कोविंड -19 संक्रमण के खातिर जरूरी सामग्री जेन राज्य के खातिर जरूरी हावयं अउ जेकर निर्माण राज्य म उपलब्ध संसाधन के माध्यम ले करे जात हावय। अइसे उत्पाद अउ विनिर्माण ल प्रोत्साहित करे के खातिर औद्योगिक नीति 2019-24 म संशोधन/नवीन प्रावधान करे के फइसला लिस। 
• 3. छत्तीसगढ़ औद्योगिक भूमि अउ प्रबंधत नियम 2015 म संशोधन के अनुमोदन करे गिस। जेकर मुताबिक गत 10 साल या ओकर ले जादा बखत ले उद्योग सरलग संचालित होए के ठऊर म गत 10 वर्ष या ओकर ले जादा बखत ले उद्योग डहर ले उत्पादन सुरू करे हो अउ दू हेक्टेयर या ओकर ले कम भूमि आबंटन के 4 हेक्टेयर या 10 एकड़ भूमि आबंटित करे के प्रावधान करे गे हावय। 
• 4. छत्तीसगढ़ राज्य म वृक्षारोपण ल प्रोत्साहित करे बर मुख्यमंत्री वृक्षारोपण प्रोत्साहन योजना सुरू करे के फइसला लिस। येकर तहत निजी क्षेत्र, कृषक, शासकीय विभाग अउ गांव पंचायत मन के भूमि म इमारती, गैर डमारती प्रजाती के वाणिज्यिक वृक्षारोपण के प्रोत्साहित करे जाही। ए योजना के क्रियान्वयन के खातिर 100 करोड़ रूपिया के अतिरिक्त प्रावधान करे जाये के भी फइसला लिस। योजना म खरीफ साल 2020-21 म धान के फसल लेवइया किसान यदि येकर बदला अपन खेत म वृक्षारोपण करही तो ओला आगमी 3 साल तक प्रतिवर्ष 10 हजार रूपिया प्रति एकड़ के मान ले प्रोत्साहन राशि दे जाही। संयुक्त वन प्रबंधन समिति मन डहर ले यदि राजस्व भूमि म वृक्षारोपण करे जात हावय त समिति के एक साल बाद प्रति एकड़ के मान ले 10 हजार रूपिया के प्रोत्साहन रकम दे जाही। वृक्ष ल काटे अउ बेचे के अधिकार संबंधित समिति के होही।
• 5. राजीव गांधी किसान न्याय योजना के तहत खरीफ 2020 म धान फसल के पंजीकृत कृषक अउ धान बीजहा उत्पादक कृषक ल 5837.40 करोड़ रूपिया के रकम चार किश्त म दे जाये के फइसला लिस। योजना म खरीफ 2021 के सबो फसल के जइसे घान, मक्का, कोदो, कुटकी, रागी, अरहर, मूंग, उड़द, कुल्थी, सोयाबीन, मूंगफल्ली, तिल, रामतिल, कपास, सनई, जूट के संग-संग कृषि वानिकी अउ गन्ना फसल ल शामिल करे के फइसला लिस। ए योजना म सबो श्रेणी के भूमि स्वामी कृषक अउ वन पट्टाधारी कृषक पात्र होही। खरीफ 2021 ले योजना के अतर्गत कृषि वानिकी ल प्रोत्साहित करे के खातिर भूमि स्वामी कृषक के पहिली 2 साल के खातिर 9000 रूपिया प्रति एकड़ के दर ले 4 किश्त म आदान मदद रकम दे जाये के प्रावधान करे गे हावय। गन्ना पेराई साल 2020-21 बर भारत सरकार डहर ले करार एफ.आर.पी. के आधार म औसत रिकव्हरी दर मुताबिक कृषक ल एफ.आर.पी. के अंतर रकम 84.25 रूपिया प्रति क्विंटल के दर ले आदान मदद के रुप म भुगतान करे जाये के फइसला लिस। 
• 6. गोघन न्याय योजना ले गोठान म बिसाये गोबर ले अतिशेष सुरक्षित रखे गोबर के वैकल्पिक विधि ले सामान्य गोबर खाद /आर्गेनिक AAR के निर्माण स्व-सहायता समूह के माध्यम ले कराए जाये के प्रस्ताव के अनुमोदन करे गिस। सामान्य गोबर खाद ल बेचे 6 रूपिया प्रति किलो के दर ले अउ प्रति किलो लाभांश रकम म ले 90 पइसा संबंधित स्व-सहायता समूह ल दे जाये के फइसला लिस। 
• 7. राज्य प्रशासनिक सेवा के संवर्ग प्रबंधन बर डिप्टी कलेक्टर ले संयुक्त कलेक्टर के पद म क्रमोत्नति म छूट प्रदान करे के फइसला लिस।
• 8. छत्तीसगढ़ महतारी दुलारी योजना 2021 के अनुमोदन करे गिस। ये योजना म अइसे लइका जेकर परिवार ले कमाने वाला माता या पिता या दुनों के मृत्यु कोविंड-19 ले होए हो अइसे लइका जेन स्कूली शिक्षा संबंधी पात्रता रखता हो या जेकर घर म कमाने वाला वयस्क सदस्य नइ रेहे के सेती भरण पोषण के समस्या होवे ओ परिवार के लइका ल शासकीय शाला म फोकट म स्कूली शिक्षा उपलब्ध करायी जाही। अइसे लइका ल स्वामी आत्मानंद अग्रेजी माध्यम स्कूल म प्राथमिकता ले प्रवेश दे जाही। कक्षा एक ले आठवीं तक के लइका ल 500 अउ कक्षा नवमीं ले बारहवीं तक के लइका ल 1000 रूपिया प्रतिमाह छात्रवृत्ति भी दे जाये के प्रावधान हावय।
• 9. तृतीय श्रेणी के पद म अनुकंपा नियुक्ति दे बर 10 प्रतिशत के सीमा बंधन के 31 मई 2022 तक के खातिर शिथिल करे जाये के अनुमोदन करे गिस।
• 10. सड़क मार्ग डहर ले वाहन अधिनियम 2007 अतर्गत बिना रजिस्ट्रेशन अउ नियम के उल्लंघन करे म अपन अधिकारिता के भीतर शास्ति अधिरोपित करे  जाये बर धारा 18(1) के प्रावधान मुताबिक परिवहन आयुक्त, अपर परिवहन आयुक्त, सबो जिला दंडाधिकारी, सबो अतिरिक्त जिला दंडाधिकारी, सबो अनुविभागीय दंडाधिंकारी, संयुक्त परिवहन आयुक्त, उप परिवहन आयुक्त, वरिष्ठ क्षेत्रीय परिवहन अधिकारी, क्षेत्रीय परिवहन अधिकारी, अतिरिक्त क्षेत्रीय परिवहन अधिकारी, सहायक क्षेत्रीय परिवहन अधिकारी, जिला परिवहन अधिकारी, परिवहन निरीक्षक अउ परिवहन उप निरीक्षक के प्राधिकृत करे जाये के अनुमोदन करे गिस।
• 11. छत्तीसगढ़ मोटर कराधान अधिनियम अउ नियम 1991 अउ छत्तीसगढ़ मोटर यान नियम 1994 के ले निष्प्रयोग म रखे जाये वाला वाहन अउ अनुज्ञा चिट्ठी के बखत ल 1 जुलाई 2021 तक छूट प्रदान करे जाये के अनुमोदन करे गिस।
• 12. साल 2021-22 के खातिर राज्य के सार्वजनिक वितरण प्रणाली म चना के आपूर्ति नेफेड के माध्यम ले सबो कर सहित 5680 रूपिया प्रति क्विंटल के दर ले चना बिसाये जाये के प्रस्ताव के अनुमोदन करे गिस।
• 13. खरीफ विपणन साल 2020-21 म ले उपर्जित धान म ले सरप्लस धान के नीलामी के संबंध म मंत्रीमंडलीय उप समिति के फइसला के अनुमोदन करे गिस।
• 14. मई अउ जून 2021 के खातिर अत्योदय प्राथमिकता अउ एकल निराश्रित अन्नपूर्णा अउ निराश्रित कारड धारी ल फोकट म खाद्यान्न वितरण के अनुमोदन करे गिस।
• 15. एम.एन.आर. ई के योजना सोलर पार्क विकसित करके सोलर पावर प्लांट के स्थापना ले उर्जा विभाग के राजनांदगांव जिला म आबंटित भूमि 377.423 हेक्टेयर म ले 188.760 हेक्टेयर भूमि के छत्तीसगढ़ स्टेट पावर डिस्ट्रीयूशन कम्पनी लिमिटेड अउ सोलर एनर्जी कार्पोरोषन आफ इंडिया के मध्य निष्पादित एम.ओ.यू के शर्त के अधीन उर्जा विभाग के आबंटित भूमि के राइट टू यूज के अतर्गत सीएसपीडीसीएल के लीज म सौंपे अउ बिल्ड आन एण्ड आपरेट के तहत सेकी के ये भूमि सौपे बर सीएसपीडीसीएल ल अधिकृत करे के फइसला लिस।