अंजोर.रायपुर, 19 मई 2021। छत्तीसगढ़ म लॉकडाउन अउ कोरोना राई के बाद भी लोगन मन नशा के आदत ल नइ छोड़त हावय। आये दिन देशी, अंग्रेजी अउ महुआ दारू के अवैध बिक्री खबर के बीच रायपुर पुलिस कोति ले माहंगी दारू के तको अवैध तस्करी के आरो मिले हावय।
पुलिस के बताती थाना सरस्वती नगर क्षेत्र के अंतर्गत कोटा म अवैध रूप ले शराब के बिक्री करत सायबर सेल अउ थाना सरस्वती नगर के संयुक्त टीम ह आरोपी तमेश सिंह ठाकुर पिता द्वारिका सिंह ठाकुर उम्र 34 साल निवासी परशुराम चौक कोटा थाना सरस्वती नगर रायपुर ल गिरफ्तार करे हावय। आरोपी तिर ले 28 बॉटल कुल 21 लीटर 100 पाइपर अंग्रेजी शराब पकड़े गे हावय जेकर कीमत 52,000 रूपिया, के जप्ती करके आरोपी के विरूद्ध थाना सरस्वती नगर म अपराध क्रमांक 75/21 धारा 34(2) आबकारी एक्ट म अपराध पंजीबद्ध करके आगू के कार्यवाही करे जावत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।