थानादार ल एसपी के फटकार : गैरहाजिर कर्मचारी ऊपर कार्यवाही, ऑनलाइन फ्राड म पीडि़त के रकम रिकवर कराये अउ लॉकडाउन के उल्लंघन मामला म कार्यवाही बढ़ाये के निर्देश

अंजोर.रायगढ़, 18 मई 2021। पुलिस अधीक्षक संतोष कुमार सिंह डहर ले लॉकडाउन के बीच अपराध के समीक्षा अउ लॉकडाउन बखत करे गिस कार्यवाही ल लेके पुलिस रोकथाम कक्ष म थाना, चौकी प्रभारी मनके वर्चुअल मीटिंग ले गिस। कोविड-19 प्रोटोकाल के पालन करत पुलिस कन्ट्रोल रूम म शहर के राजपत्रित अधिकारी, थाना, चौकी प्रभारीगण शामिल होइन बांचे राजपत्रित अधिकारी अउ प्रभारीगण वीडियो कॉन्फ्रेंसिंग के जरिए समीक्षा बइठक ले जुड़े रिहिस।

मिले आरो के मुताबिक एसपी संतोष सिंह डहर ले सबडिवीजन सारंगढ़ के समीक्षा करके वर्चुअल मीटिंग के शुरुआत करे गिस। पुलिस अधीक्षक डहर ले वर्चुअल मीटिंग म सबो थाना प्रभारी ल निर्देशित करे गे हावय के लाकडाउन के पालन कराये के संग ही अपराध, शिकायत के भी निराकरण होना चाही। ड्यूटी बखत संक्रमित अधिकारी, कर्मचारी मन के जानकारी लेके लंबा समय ले गैरहाजिर रेहे अधिकारी, कर्मचारी मनके अनुशासनात्मक कार्यवाही करत फाइल तइयार करके पेश करे निर्देशित करे गिस।

अपराध के समीक्षा के बखत पुलिस अधीक्षक डहर ले ऑनलाइन ठगी के मामला म थाना प्रभारी मनला निर्देशित करे गिस के अइसे प्रकरण म पीड़ित ल रूपिया रिकवर कराये के भरसक प्रयास करें। एसपी रायगढ़ डहर ले आने वाला दिन म पूरा जिला म एक सिरे ले ऑनलाइन ठगी ल लेके जागरूकता कार्यक्रम चलाये जाही। महुआ शराब बिक्री के शिकायत के मुताबिक कई थाना क्षेत्र म कार्यवाही कम बतात पुलिस अधीक्षक डहर ले कार्यवाही बढ़ाये के निर्देश दे गे हावय। 

अइसने लंबे लॉकडाउन के बखत कोविड-19 के गाइडलाइन के उल्लंघन म दर्ज करे  गे एफआईआर ले असंतुष्ट होके पुलिस अधीक्षक डहर ले साफ रूप ले थाना प्रभारी मनला हिदायत दे गिस के lockdown म नरमी नी बरते, जिहां कहू नियम के अनदेखी होही एफआईआर दर्ज करे जायें। सड़क दुर्घटना के समीक्षा करके पुलिस अधीक्षक बताइन के लाकडाउन म सड़क दुर्घटना म जे रकम ले कमी आना चाही वो ह नइ देखिस। सड़क दुर्घटना ल रोके खातिर मोटर व्हीकल एक्ट के कार्यवाही अपेक्षाकृत कम होए हावयं। ड्रंकन ड्राइविंग, खतरनाक तरीका ले हाइवें म वाहन खड़ा करइया के कार्यवाही कम होए हावय जेला बढ़ाये के निर्देश दे गिस हावयं। प्रभारी मनके इंटर स्टेट अउ डिस्ट्रिक्ट बेरियर म जरूरी सेवा म लगे वाहन म कार्यवाही नइ हो येकर धियान दे जाये। बइठक म ओमन अधिकारी कर्मचारी मन ल बताइन के कोरोना रिकवरी रेट बढि़या हावय। पुलिसकर्मी के वैक्सीनेशन के दुनों डोज लग चुके हावयं, वो भी सबो रकम ले के सावधानी बरतें, अगर संक्रमीत हो भी जाएं त घबराए नइ, समय म दवई ले।