अंजोर.दुर्ग, 19 मई 2021। पाटन शहर के युवा मन के खातिर मल्टी स्पोर्ट्स कांप्लेक्स अपन व्यलक्तित्व ल निखारे के खातिर गजब खास जगह होही। 4 एकड़ म बनत ए कांप्लेक्स म इंडोर स्पोर्ट्स के ढाँचा के संग ही लाइब्रेरी के सुविधा भी होही। गार्डन, स्वीमिंग पुल उक सुविधा ले सुसज्जित ए परिसर म आधुनिक लाइब्रेरी भी होही जेमा सबो विषय ले संबंधित बने पुस्तक के शानदार कलेक्शन होही।
कलेक्टर डॉ. सर्वेश्वर नरेंद्र भुरे ह आज मल्टी स्पोर्ट्स कांप्लेक्स के निरीक्षण करिन। ओमन निर्माण बुता ले संबंधित केऊ निर्देश अधिकारी मन ल दिस। संग ही पूरा परिसर के लेआउट भी देखिन। कलेक्टर ह किहिन के खेल अउ युवा विकास ल मुख्यमंत्री के मंशानुरूप जेन भी बढि़या सुविधा ए कांप्लेक्स म हो सकत हावयं ओला इहाँ उपलब्ध कराएं ताकि पाटन के युवा मन के खातिर ये परिसर काफी उपयोगी हो सके। कलेक्टर ह निर्माण बुता म तेजी लाने के निर्देश दिस। अधिकारी मनला विस्तार ले मल्टी स्पोर्ट्स कांप्लेक्स म दे जाने वाला सुविधा के बारे म जानकारी दीस। कलेक्टर ह पाटन शहर म चल सौंदर्यीकरण के आन निर्माण बुता के संबंध म भी समीक्षा करिन। स्पोर्ट्स कांप्लेक्स के निरीक्षण के बखत नगर पंचायत अध्यक्ष भूपेंद्र कश्यप अउ मुख्यमंत्री के ओएसडी आशीष वर्मा भी उपस्थित रिहिस।
आडिटोरियम के निर्माण बुता के भी करिस निरीक्षण- कलेक्टर ह शहर म प्रस्तावित आडिटोरियम के निर्माण बुता के निरीक्षण भी करिन। ओमन सबो निर्माण कार्य ल तेजी ले खतम करे के निर्देश अधिकारी मन ल दिस। ए बखत एसडीएम विपुल गुप्ता अउ आन अधिकारी उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।