पाटन स्वास्थ्य केंद्र म मिलही खून : आपरेशन, हीमोफिलिया, सिकलिंग जइसे मामला म ब्लड स्टोरेज यूनिट ले होही सुविधा

अंजोर.दुर्ग, 19 मई 2021। पाटन के स्वास्थ्य केंद्र म आज खून स्टोरेज यूनिट के शुभारंभ होइस। नगर पंचायत अध्यक्ष भूपेंद्र कश्यप के हाथ यूनिट के शुभारंभ करे गिस। ए बखत कलेक्टर डॉ. सर्वेश्वर नरेंद्र भुरे अउ मुख्यमंत्री के ओएसडी आशीष वर्मा तको उपस्थित रिहिस। शुभारंभ के मउका म कलेक्टर डॉ. सर्वेश्वर नरेंद्र भुरे ह किहिन के खून स्टोरेज यूनिट पाटन के नागरिक के खातिर काफी उपयोगी होही। अब एमन ल जिला मुख्यालय के तनि जाए ल नइ करे पड़े। येकर ले सबले जादा फायदा क्रिटिकल मरीज मन के होही जेला तुरते ही खून स्टोरेज यूनिट ले लाभ दे जा सकही। 

ए संबंध म जानकारी देत बीएमओ डॉ. आशीष शर्मा ह बताइन के खून स्टोरेज यूनिट शुरू होए ले पाटन के नागरिक ल काफी सहूलियत मिल सकही। येकर पहिली खून के खातिर दुर्ग जाना पड़ता रिहिस। अब जिला चिकित्सालय स्थित मदर स्टोरेज यूनिट ले जरूरत के मुताबिक स्टाक रखे जा सकही। ओमन बताइन के महीने म अमूमन हर दूसरा दिन खून के जरूरत होथे जेकर खातिर दुर्ग ले संपर्क करे जाय। अब ये समस्या दूरिहा हो जाही। हीमोफिलिया, सिकल सेल उक बीमारी ले पीड़ित लोगन के खातिर भी ये सुविधा काफी लाभप्रद होही। येकर संग ही सीजेरियन डिलीवरी उक म भी ये सुविधा काफी उपयोगी होही। 

डॉ. शर्मा ह बताइन के येकर संचालन के खातिर लैब टेक्नीशियन श्वेता भारद्वाज के नियुक्ति करे गे हावय। ए बखत जीवनदीप समिति के सदस्य अरविंद भारद्वाज, सोहन बघेल अउ आन गणमान्य अतिथि मौजूद रिहिस। संग ही एसडीएम विपुल गुप्ता, जनपद सीईओ मनीष साहू भी ए मउका म उपस्थित रिहिस।