अंजोर.रायपुर, 18 मई 2021। छत्तीसगढ़ सरकार के राजीव गांधी किसान न्याय योजना के तहत खरीफ साल 2020-21 म समर्थन कीमत म धान बेचे किसान मन ल 21 मई के आदान मदद रकम (इनपुट सब्सिडी) के पहिली किश्त जारी करे जाही। किसान मन ल आदान मदद के रूप म 9000 रूपिया प्रति एकड़ रकम दे जाही। मुख्यमंत्री भूपेश बघेल के अध्यक्षता म आयोजित कैबिनेट के बइठक म ये फइसला लिस के साल 2020-21 अउ आगू हरेक साल समर्थन कीमत म धान बेचे किसान मन ल 9 हजार रूपिया प्रति एकड़ इनपुट सब्सिडी दे जाही।
साल 2020-21 म जेन किसान मन ह धान के बेचे रिहिस यदि वो किसान साल 2021-22 धान के बदला आन फसल लेवत हावयं ओला प्रति एकड़ 10 हजार रूपिया अउ जेन पेड़ लगात हावयं ओला अवइया 3 साल तक हरेक साल 10 हजार रूपिया प्रति एकड़ इनपुट सब्सिडी दे जाही। ए संबंध म विस्ता्र ले कार्ययोजना तइयार करे अउ आन पहलु म गोठबात के खातिर मुख्यमंत्री श्री बघेल के उपस्थिति म मंत्रिमंडलीय उप समिति के बइठक होही। एमे वरिष्ठ अधिकारी भी उपस्थित होही अउ उप समिति के बइठक डहर ले प्रस्तावित विषय म अवइया 21 मई के होए वाला कैबिनेट के बइठक म फइसला ले जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।