विधायक चंदन कश्यप करिस जिला अस्पताल के निरीक्षण, फल वितरण करत जानिस मरीज के हालचाल

अंजोर.नारायणपुर, 21 मई 2021। हस्तशिल्प विकास बोर्ड के अध्यक्ष अउ स्थानीय विधायक चंदन कश्यप ह आज जिला अस्पताल के निरीक्षण करिन। ए बखत ओमन जिला अस्पताल म संचालित गतिविधी ल देखिस अउ साफ-सफाई, भोजन, मरीज मन ल दे जाये वाला सुविधा उक की जानकारी लीस। विधायक श्री कश्यप ह जिला अस्पताल के वार्ड के निरीक्षण करिन अउ मरीज मन ले उंकर हाल-चाल जानिय। ओमन लघियात स्वस्थ होके अपन घर के लौटे के शुभकामना दीस। 

ओमन मरीज मन ले जानकारी लेवत ओला दिये जाये वाला भोजन, नाश्ता, दवई मन उक के बारे म पूछत मरीज मन ल फल अउ आन सामग्री के वितरण तको करिन। ओमन जिला अस्पताल म कार्यरत डॉक्टर मन अउ कर्मचारी मन ले बातचीत करिन अउ बुता के बखत आने वाला दिक्कत के बारे म जानकारी लीस। ए मउका म उंकर संग जिला पंचायत उपाध्यक्ष देवनाथ उसेण्डी, जनपद पंचायत अध्यक्ष पंडीराम वड्डे, संगठन पदाधिकारी रजनू नेताम, संजय राय, रवि देवांगन सहित सिविल सर्जन डॉ एमके सूर्यवंशी अउ आन अधिकारी-कर्मचारी उपस्थित रिहिस।