अंजोर.रायगढ़, 20 मई 2021। लॉकडाउन म जिला प्रशासन के गाइडलाइन के विपरीत कोनो भी रकम ले के गतिविधी म पुलिस नरमी नइ बरतत हावय। एसपी संतोष सिंह डहर ले मिले निर्देश के पालन म आज बिहनिया सिटी कोतवाली थाना प्रभारी निरीक्षक मनीष नागर डहर ले हमराह स्टाफ शहर के आने-आने चौक चौराहा म सघन जांच करे गिस। ए बखत बिना मास्क अउ बेवजह घुमइया फिरइया मनके उपर कार्यवाही करे गिस। मिले आरो के मुताबिक जिंदल स्टिल पावर लिमिटेड पतरापाली, NTPC लारा अउ आन कंपनी के कर्मचारी लॉकडाउन बखत घर ले प्लांट ड्यूटी म जाये खातिर निकले रिहिस। ओला पेट्रोलिंग वाहन म बिठाके थाने लाया गिस। येकर पहिली थाना प्रभारी नागर डहर ले प्लांट प्रबधंक अउ उंकर कर्मचारी मन ल जिला प्रशासन के गाइडलाइन ले अवगत कराये रिहिस जेकर मुताबिक लाकडाउन बखत म कोरोना वायरस संक्रमण के रोकथाम के खातिर कर्मचारी मन अउ अधिकारी मन के प्लांट के अंदर ही रेहे के बेवस्था जाये या प्रशासन ले अनुमति मिले वाहन उंकर कर्मचारी मन के आवगमन के बेवस्था करे जाये फेर प्लांट के प्रबंधन डहर ले शासन के नियम के अवहेलना करत अपन कर्मचारी मनल घर ले प्लांट आये जाये के सुविधा नी दे दीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।