अंजोर.गरियाबंद, 20 मई 2021। कोरोना काल म पुलिस परिवार के हरसंभव मदद करे बर पुलिस कप्तान भोजराम पटेल, अतिरिक्त पुलिस अधीक्षक सुखनंदन राठौर, रक्षित निरीक्षक उमेश राय के संयुक्त प्रयास ले सुग्घर समाधान-2 पहल के तहत पुलिस परिवार के खातिर ए विपरीत परिस्थिति म कोरोना ले बचाव बर राशन, सब्जी दवाइ अउ आन जरूरी सामान बर एक चार पहिया वाहन के संग अलग ले कर्मचारी मन के ड्यूटी लगाये गे रिहिस।
मिले आरो के मुताबिक नामांकित कर्मचारी मन के डहर ले पुलिस परिवार के सदस्य मन के राशन सामग्री अउ आन सामान के लिस्ट लेके मार्केट म खरीदी करके सामान लान के रूम तक छोड़त रिहिस। इही उदीम के संग कोरोना महामारी ले बचाव बर अउ कोविड वैक्सीन के प्रोत्साहित करत गरियाबंद पुलिस डहर ले 18+ के सदस्य मन ल पुलिस आवासीय परिसर फेस-1 म डॉक्टर के टीम बुलाकर वैक्सीनेशन सेंटर खोलके सबो सदस्य मन के वैक्सीनेशन कराये गिस। गरियाबंद पुलिस के संग देत पुलिस परिवार के सदस्य मन के डहर ले बढ़-चढ़के वैक्सीनेशन कराइन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।