स्वामी आत्मानंद मेधावी छात्र प्रोत्साहन योजना ले होनहार मनके सम्मान

अंजोर.रायपुर, 23 मई 2021। मुख्यमंत्री भूपेश बघेल के अगुवई म एक बड़का सम्मान समारोह के आयोजन करे गे रिहिस जेमा प्रदेश के सबो जिला के अधिकारी अउ लइका मन वर्चुअल रूप म जुड़े रिहिस। कार्यक्रम म 2019-20 के प्रावीण्य सूची म शामिल छात्र-छात्रा मनला प्रदेश सरकार कोति ले 'स्वामी आत्मानंद मेधावी छात्र प्रोत्साहन योजना' के तहत् सम्मानित करे गिस। ये मउका म मुख्यमंत्री श्री बघेल जी ह होनहार लइका मनले वर्चुअल रूप म गोठबात करके उंकर हौसला बढ़ाइन। अइसे पहल ही देश भावी कर्णधार मनला बेहतर करे खातिर प्रेरित करथे।