अंजोर.रायपुर, 23 मई 2021। कोरोना के सेती एसो अब 12 वीं परीक्षा ल लइका मन अपन घर म ही बइठ के देवाही। ये संबंध म माध्यमिक शिक्षा मंडल कोति ले हायर सेकेण्ड्री परीक्षा वर्ष 2020-21 बर अलग परीक्षा पद्धति बनाये हावय जेमा-
० परीक्षार्थी मन म निर्धारित कंन्द्र ले उंकर चुने विषय के प्रश्न पत्र अउ उत्तर पुस्तिका दिनांक 01/06/2021 ले दिनांक 05/06/2021 तक वितरित करे जाही।० परीक्षार्थी उत्तर पुस्तिका ले के बाद उत्तर लिखके 05 दिन के समय-सीमा म अपन निर्धारित केन्द्र म जमा करही, माने जोन छात्र 01/06/2921 के प्रश्न-पत्र अउ उत्तर पुस्तिका ले हावय ओमन 06/06/2021 के उत्तर पुस्तिका जमा करना अनिवार्य होही।० निर्धारित समय म उत्तर पुस्तिका जमा नइ करे म छात्र ल अनुपस्थित माने जाही। उत्तर पुस्तिका प्राप्त करे अउ जमा करे खातिर अवकाश के दिन म भी परीक्षा केन्द्र कार्यालयीन समय तक खुले रइही।० परीक्षार्थी उत्तर पुस्तिका स्वयं लिखही। उत्तर पुस्तिका के पहिली पृष्ठ म छात्र के सबो जानकारी- रोल नं. विषय, विषय कोड, हस्ताक्षर, दिनांक अंकित करना अनिवार्य होही।० उत्तर पुस्तिका जमा करे समय छात्र ल उपस्थित पत्रक म हस्ताक्षर करना होही।० छात्र जतका उत्तर पुस्तिका लेही सबो उत्तर पुस्तिका केन्द्र म जमा करना होही। यदि कोनो उत्तर पुस्तिका के उपयोग नइ करे गे हावय तो कोरा ही उत्तर पुस्तिका जमा करना होही।० परीक्षार्थी उत्तर पुस्तिका निर्धारित परीक्षा केन्द्र म कार्यालयीन समय म स्वयं जमा करही। डाक या पोस्ट ले भेजे जाये म उत्तर पुस्तिका स्वीकार नइ करे जाही।० परीक्षार्थी परीक्षा केन्द्र ले प्रश्न-पत्र अउ उत्तर पुस्तिका ले जात समय अउ जमा करत बखत अनिवार्य रूप ले मास्क लगाके आही अउ सोशल डिस्टेंसिंग के पालन करही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।