राजभवन म कोविड वैक्सीनेशन शिविर, अधिकारी अउ कर्मचारी के परिवार मन लगवाइन टीका

अंजोर.रायपुर, 23 मई 2021। राजभवन के दरबार हॉल म अधिकारी अउ कर्मचारी अउ संग उंकर परिजन मनके खातिर (18 ले 44 उमर वर्ग) कोविड वैक्सीनेशन शिविर के आयोजन करे गे रिहिस। ए मउका म राज्यपाल सुश्री अनुसुईया उइके ह शिविर के अवलोकन करिन। ओमन सबो के अच्छी स्वास्थ्य के कामना करिन अउ किहिन के पूरा देश कोरोना संक्रमण ले जूझ हावय। ए समय कोरोना ले बांचे के खातिर जागरूकता के जरूरत हावय। 

ओमन किहिन के सबो कोरोना ले बचाव के खातिर शासन डहर ले देगे निर्देश के पालन करें अउ कोरोना के टीका जरूर लगावे। वैक्सीन लगाये के बाद कोरोना के संक्रमण ले बचाव होथे हावय अउ यदि कोनो ल संक्रमण हो भी गे त वो जल्दीो ही ठीक हो जात हावयं। वैक्सीन लगाये के पहिली डॉक्टर मन के दिशा-निर्देश के पालन करें अउ वैक्सीन लगाये के बाद भी मास्क जरूर पहने, हाथ धोते रहय अउ सामाजिक दूरी के पालन करें। राज्यपाल ह टीका लगाये नागरिक ल वैक्सीनेशन के प्रमाण पत्र के भी वितरण करिन। ए शिविर म 178 लोगन के वैक्सीनेशन करे गिस। ए मउका म राजभवन के चिकित्सा अधिकारी डॉ. रूपल पुरोहित, चिकित्सा अधिकारी डॉ. सुनीति मंगरूलकर अउ डॉ. शिशिर साहू उपस्थित रिहिस।