अंजोर.रायपुर, 19 मई 2021। स्कूल शिक्षा मंत्री डॉ.प्रेमसाय सिंह टेकाम ह छत्तीसगढ़ माध्यमिक शिक्षा मण्डल के हाई स्कूल के मुख्य परीक्षा 2021 के परीक्षा परिणाम वीडियो कॉन्फ्रेंसिंग के माध्यम ले ऑनलाईन जारी करिन। परीक्षा म पंजीकृत 4 लाख 67 हजार 261 पंजीकृत परीक्षार्थी मन म 6 हजार 168 परीक्षार्थी के परीक्षा फार्म अपात्र होए के सेती निरस्त करे गिस। बांचे 4 लाख 61 हजार 093 पात्र परीक्षार्थी के परीक्षा परिणाम घोषित करे गे हावय। एमे 2 लाख 24 हजार 112 बालक अउ 2 लाख 31 हजार 999 बालिका के परीक्षा परिणाम शामिल हावयं। सबो परीक्षार्थी परीक्षा म पास करे गे, परीक्षा परिणाम शत-प्रतिशत रिहिन।
मुख्यमंत्री श्री भूपेश बघेल अउ स्कूल शिक्षा मंत्री डॉ. प्रेमसाय सिंह टेकाम ह परीक्षा म सफल सबो परीक्षार्थी मन ल बधाई देत उंकर उज्जवल भविष्य के शुभकामना दीस। ए मउका म छत्तीसगढ़ माध्यमिक शिक्षा मण्डल के अध्यक्ष डॉ. आलोक शुक्ला, सचिव प्रोफेसर व्ही.के.गोयल सहित मण्डल के अधिकारी-कर्मचारी भी उपस्थित रिहिस।
ए साल कोविड-19 महामारी के सेती 10वीं के परीक्षा निरस्त करत आंतरिक मूल्यांकन के आधार म परीक्षा परिणाम घोषित करे गिस। जेन परीक्षार्थी आंतरिक मूल्यांकन म सम्मलित नइ होए ओला न्यूनतम पास अंक देके परीक्षा परिणाम घोषित करे गिस, सबो पढ़ईया पास हो गे हावयं।
पास परीक्षार्थी म 4 लाख 46 हजार 393 पढ़ईया पहिली श्रेणी म पास होए हावयं। जेन कुल घोषित परिणाम के 96.81 प्रतिशत हावय। द्वितीय श्रेणी म 9 हजार 24 परीक्षार्थी पास होए, जेन कुल शामिल परीक्षार्थी के 1.96 प्रतिशत अउ तृतीय श्रेणी म 5 हजार 676 परीक्षार्थी पास होए, जेन कुल शामिल परीक्षार्थी के 1.23 प्रतिशत हावय।
पहिली श्रेणी म 95.66 प्रतिशत, द्वितीय श्रेणी म 2.65 प्रतिशत, तृतीय श्रेणी म 1.68 प्रतिशत बालक परीक्षार्थी पास होए हावयं। इही रकम ले पहिली श्रेणी म 97.90 प्रतिशत, द्वितीय श्रेणी म 1.30 प्रतिशत अउ तृतीय श्रेणी म 0.80 प्रतिशत बालिकाएं पास होए हावयं।
ए साल आंतरिक मूल्यांकन के आधार म परीक्षा परिणाम घोषित करे गिस। छत्तीसगढ़ माध्यमिक शिक्षा मंडल डहर ले ए साल प्रावीण्य सूची म जारी नइ करे के फइसला लिस हावय। येकर अलावा पुनर्गणना अउ पुनर्मूल्यांकन के प्रावधान भी ए परीक्षा म खतम करे गे हावय, जेन परीक्षार्थी अपन परीक्षा परिणाम ले संतुष्ट नइ हावयं, ओला अवइया परीक्षा म श्रेणी सुधार के खातिर सम्मलित होए के पात्रता होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।