बिगर पर्ची के सर्दी-खांसी दवाइ बेचत मेडिकल दुकान म कार्रवाई

अंजोर.दुर्ग। कलेक्टर डा. सर्वेश्वर नरेंद्र भुरे के निर्देश म बिना पर्ची सर्दी-खांसी के दवा बेचत मेडिकल शाप म आज ड्रग एंड सेफ्टी डिपार्टमेंट के अधिकारी मन ह कार्रवाई करिन। विभाग के आने-आने दस्ता ह जिला के आने-आने मेडिकल शाप के निरीक्षण करिन। कई शाप अइसे रिहिस जिहां पर्ची दिखाये म ही सर्दी खांसी के दवाई दे जात रिहिस वहीं म कुछ अइसे मेडिकल स्टोर भी रिहिस जिहां बगैर पर्ची के ही दवा दे जात रिहिस। विभाग के अधिकारी मन ह बताइन के ये म पैनडेमिक एक्ट के अंतर्गत कार्रवाई करे जात हावय। जेन मेडिकल स्टोर्स म बगैर पर्ची के दवा बेचे के मामला म कार्रवाई करे गिस ओमा न्यू मालू मेडिकल स्टोर जेल रोड पद्मनाभपुर, न्यू वीवाई मेडिकोज पद्मनाभपुर, दुर्ग, बीडी मेडिकोज बस स्टैंड दुर्ग, गोयल मेडिकल स्टोर न्यू खुर्सीपार, भवानी मेडिकोज न्यू खुर्सीपार शामिल हावय। ये दुकान ल बंद कराये गिस। जानबा होवय के कल दवा विक्रेता संघ के पदाधिकारी ले प्रशासनिक अधिकारी मन ह चर्चा करे रिहिस। येमा एसोसिएशन के पदाधिकारी ह केहे रिहिस के ए बात के पूरा ध्यान रखबो। चेकिंग के दौरान पाये गे के अधिकतर दुकानदार ह येकर ध्यान रखत अउ बगैर पर्ची के दवा नइ दीस।

चिकित्सा अधिकारी के खातिर वाक इन इन्टरव्यू 27 मार्च के

जिला म संचालित डेडिकेटेड कोविड अस्पताल म विशेषज्ञ चिकित्सक अउ चिकित्सा अधिकारी के अस्थाई नियुक्ति बर 27 मार्च ल मुख्य चिकित्सा अउ स्वास्थ्य अधिकारी के कार्यालय म वॉक इन इन्टरव्यू ले जाही। इच्छुक आवेदक निर्धारित तिथि म 10:30 बजे सम्पूर्ण दस्तावेज के संग उपस्थित होके वाक इन इन्टरव्यू म सम्मिलित हो सकत हावय। येमा एम.डी. मेडिसिन अउ निश्चेतना विशेषज्ञ के 1-1 पद अउ चिकित्सा अधिकारी के 10 पद म चयन करे जाही। निर्धारित तिथि ल ही साक्षात्कार उपरांत चयन सूची जारी करे जाही। आन जानकारी के खातिर मुख्य चिकित्सा अउ स्वास्थ्य अधिकारी के कार्यालय ले संपर्क कर सकते हावय।