महिला समुह के दीदी मन तइयार करिन हर्बल गुलाल

अंजोर.रायपुर। राज्य के महिला मन अपन लगन, परिश्रम अउ नवाचार ले सफलता के नित नवा आयाम गढ़त हावय। राज्य के सुदूर वनांचल के जिला नारायणपुर के राधाकृष्ण महिला समूह ह होली पर्व ल देखत हुए हर्बल गुलाल तइयार करके विक्रय बर मार्केट म लांच करिन। राधाकृष्ण महिला समूह के हर्बल गुलाल ल न सिर्फ प्रशासन अउ स्थानीय लोगन डहर ले सराहे जात हावय। बल्कि प्रशासन ह तो येकर मार्केटिंग के खातिर कलेक्टर श्री धर्मेश साहू ह कलेक्टोरेट परिसर म भी विधिवत स्टॉल भी दे दे हावय। 

राधाकृष्ण महिला समूह डहर ले ये हर्बल गुलाल पलाक भाजी, लाल भाजी, चुकुन्दर, हल्दी, गेंदे अउ पलास के फूल के अर्क ले तइयार करे गे हावय। बाजार म बिकने वाला केमिकल गुलाल ले त्वचा अउ शरीर ल होए वाला नुकसान ले बचाये के खातिर महिला स्व-सहायता समूह डहर ले तइयार करे  गे प्राकृतिक गुलाल ल लोग पसंद कर हावय। जानबा होवय के राधाकृष्ण महिला समूह ल हर्बल गुलाल बनाये के खातिर कृषि विज्ञान केन्द्र के डहर ले विधिवत प्रशिक्षण भी दे गिस अउ गुलाल तइयार करत समय कोन चीज के कितनी मात्रा के उपयोग करे हावय। ये भी सीखाये गे हावय। राधाकृष्ण महिला समूह डहर ले अब तक एक क्विंटल हर्बल गुलाल तइयार करिन गे हावय। जेला 200 रूपिया प्रतिकिलो के दर ले विक्रय करे जात हावय।