मुख्यमंत्री ह दीस होली के बधाई, कोरोना ल देखत भीड़ ले बचके, घरे म मनाव तिहार

अंजोर.रायपुर। प्रदेश के मुखिया भूपेश बघेल ह प्रदेशवासी मनला रंग के तिहार होली के बधाई अउ शुभकामना दीस हावय। श्री बघेल ह ए मउका म सबो नागरिक के सुख, समृद्धि अउ खुशहाली के कामना करिन हावय। मुख्यमंत्री ह होली पर्व के पहिली संझा जारी अपन शुभकामना संदेश म किहिन हावय के होली के तिहार बड़े-छोटे, ऊंच-नीच के भेदभाव मिटाकर सबला प्रेम, आत्मीयता अउ समरसता के रंग म सराबोर कर देथे। ये तिहार आपसी भाईचारा अउ सौहार्द्र ल मजबूत करे के हावय।

मुख्यमंत्री ह किहिन के ये तिहार अपन भीतर के अहंकार, बुराई ल दूर करे के भी प्रेरणा देथे। ओमन प्रदेशवासी ले सामाजिक सौहार्द्रपूर्ण वातावरण म पर्यावरण के अनुकूल होली मनाये के अपील करे हावय। ओमन किहिन हावय के कोरोना संक्रमण के फैलाव ल देखत हुए सबो लोगन उत्साह अउ उमंग के ए त्यौहार के बखत सबो जरूरी सावधानी बरतें, मास्क पहिने, शारीरिक दूरी बनाए रखें, हाथ ल सेनिटाइज करत रहें। यथा संभव घर म होली मनाएं अउ बाहर भीड़-भाड़ ले बचें काबर के सुरक्षा म ही बचाव हावय।