अंजोर.कबीरधाम। जिला कबीरधाम के थाना सहसपुर लोहारा क्षेत्र के ग्राम सिल्हाटी के जिला सहकारी केन्द्रीय बैंक एटीएम मशीन ले पइसा निकाले बर गे ग्रामीण ले अनजान 03 मनखे मन ह एटीएम ल बदलके धोखाधड़ी करके रकम निकाले के आरो पुलिस ल मिले रिहिस। पुलिस अधीक्षक कबीरधाम के दिशा-निर्देश म अउ प्रार्थी के बताये हुलिया अउ वाहन मॉडल के आधार म तत्काल नाकाबंदी पांईट अउ क्षेत्र म पेट्रोलिंग पार्टी रवाना करे गिस।
पुलिस पार्टी घेराबंदी करके वाहन म सवार संदिग्ध व्यक्ति मनले पुछताछ अउ वाहन तलाशी म मारूती सुजुकी स्वीफ्ट कार क्रमांक एच 60 डी 0101 म 43 नग बैंक के एटीएम कार्ड, एटीएम क्लोनिंग मशीन, लेपटाप पाये गिस। वाहन म सवार संदिग्ध व्यक्ति -1 अमित पिता कुशल पाल जाति कुम्हार उम्र 34 साल साकिन ननौता थाना ननौता जिला सहारनपुर उत्तरप्रदेश, 2 सोमपाल पिता भोपपाल जाटव जाति हरिजन उम्र 34 साल साकिन गंगौह जिला सहारनपुर उत्तरप्रदेश, 3 मोनु कुमार पिता पोपि सिंह रविदास उम्र 23 साल साकिन आलमगिरपुर थाना चरथावल जिला मुजफरनगर उत्तरप्रदेश ह उक्त उपकरण के माध्यम ले शहरी अउ ग्रामीण क्षेत्र के एटीएम मशीन म पहली ले मौजूद होके एटीएम ले पइसा निकले ल आये लोगन मनके मदद के बहाना उंकर एटीएम कार्ड के पिन नंबर देखके एटीएम ल बदली कर देथे या ओकर एटीएम क्लोनिंग उपकरण के माध्यम ले एटीएम के क्लोन बनाके खाता ले रकम निकाल लेथे।
आरोपी मनके विरूद्ध थाना सहसपुर लोहारा म अपराध क्रमांक 63/2021 धारा 420,34 भादवि के अपराध कायम करके उंकर ले 01 नग मारूती सुजुकी स्वीफ्ट कार क्रमांक एच 60 डी 0101, 43 नग आन आन बैंक के एटीएम कार्ड, 01 नग लेपटाप, 01 नग स्कीमर डिवाईस, नगदी रकम 1,65,000 रूपिया अउ 04 नग मोबाईल कुल कीमती 645500 रूपिया जप्त करके रिमांड म भेजे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।