ऑन लाईन आर्डर ल आवत हाबे आनी बानी के बटनदार चाकू : पुलिस के विशेष तस्दीकी अभियान

अंजोर.रायपुर। ऑन लाईन आर्डर करके धारदार अउ बटनदार चाकू मंगाइया मनके विरूद्ध रायपुर पुलिस के विशेष तस्दीकी अभियान जारी हावय। ये संबंध म अतिरिक्त पुलिस अधीक्षक शहर लखन पटले डहर ले सबो थाना प्रभारी मनके मीटिंग ले गिस के अइसन लोगन मनला थाना बुलाकर तस्दीक करे जाए। ये अभियान के तहत वर्ष 2020 म रायपुर शहर म 502 अउ सरहदी जिला म 282 लोगन के डहर ले धारदार अउ बटनदार चाकू मंगवाये गे हावय। रायपुर पुलिस डहर ले ये तस्दीकी अभियान के तहत अब तक अलग-अलग थाना डहर ले लगभग 318 नग धारदार अउ बटनदार चाकू जमा कराये गे हावय। 119 नाबालिक बच्चा डहर ले भी ऑन लाइन ऑर्डर करके मंगाये गे हावय चाकू अइसन बच्चा के परिजन ल थाना बुलाके समझाईश दे जात हावय।