निजी अस्पताल मन म कोविड मरीज के खातिर 50 प्रतिशत बिस्तर : स्वास्थ्य के निर्देश

अंजोर.रायपुर। राज्य म कोविड मरीज मन खातिर पर्याप्त बेड हावय। स्वास्थ्य विभाग प्राइवेट अस्पताल मनके 50 प्रतिशत बेड म तको ऑक्सीजन के उपलब्धता सुनिश्चित करवाये हावय। संचालक स्वास्थ्य सेवाएं नीरज बंसोड़ ह ये संबंध म गत सितंबर म जारी आदेश के पुनः पालन कराये के निर्देश सबो मुख्य चिकित्सा अउ स्वास्थ्य अधिकारी ल दिए हावय। निर्देश म किहिन के कोरोना के बढ़त संक्रमण ल देखत पूर्व म अनुमति मिले निजी चिकित्सालय अउ आइसोलेशन सेंटर पुनःप्रारंभ करे जाना आवश्यक हावय। 

अइसे निजी चिकित्सालाय जिहां पूर्व म कोविड के नियम के पालन नइ करे जाए के फलस्वरूप अनुमति निरस्त करे गे रिहिस वो अस्पताल ल शामिल नइ करे गे हावय। अधिकारी ल पूर्व म चिंन्हाकिंत निजी अस्पताल म कोविड मरीज मनके उपचार के खातिर अस्पताल म संचालित कुल बिस्तर, कोविड अउ नान कोविड सहित, म ले 50 प्रतिशत बिस्तर म ऑक्सीजन के उपलब्धता सुनिश्चित करवाये के निर्देश दे गे हावय।