अंजोर.रायपुर। छत्तीसगढ़ खादी अउ ग्रामोद्योग बोर्ड के तत्वावधान म 12 मार्च ले 26 मार्च तक मुंगेली नाका म आयोजित होए वाला 15 दिवसीय राज्य स्तरीय खादी अउ ग्रामोद्योग प्रदर्शनी-सह-विक्रय मेला ल कलेक्टर अउ जिला दण्डाधिकारी बिलासपुर कोति ले कोविड-19 के प्रसार ल रोके बर जारी आदेश के परिपालन म 25 मार्च 2021 ल स्थगित कर दे गे हावय।
जानबा होवय के ए प्रदर्शनी म छत्तीसगढ़ खादी अउ ग्रामोद्योग बोर्ड कोति ले विभागीय योजना प्रधानमंत्री रोजगार सृजन कार्यक्रम अउ मुख्यमंत्री रोजगार सृजन कार्यक्रम अंतर्गत वित्त पोषित अउ बोर्ड अउ खादी आयोग ले पंजीकृत इकाई, खादी संस्था अउ महिला स्व-सहायता समूह डहर ले उत्पादित खादी वस्त्र अउ ग्रामोद्योग सामग्री मनके प्रचार-प्रसार बर राज्य स्तरीय प्रदर्शनी के आयोजन करे गे रिहिस। ए प्रदर्शनी म 40 लाख रूपए ले जादा के खादी वस्त्र अउ ग्रामोद्योग के उत्पाद के बिक्री होइसे। 15 दिवसीय राज्य स्तरीय प्रदर्शनी म छत्तीसगढ़ सहित अनेक राज्य ह हिस्सा लिस। प्रदर्शनी म कुल 75 स्टाल लगे रिहिस, जेमा ले 45 स्टाल म स्थानीय खादी संस्था, पीएमईजीपी इकाई अउ स्व-सहायता समूह अउ 30 स्टाल म आन राज्य के खादी संस्था अउ पीएमईजीपी इकाई के प्रदर्शनी लगाये गे रिहिस। 23 मार्च ल खादी वस्त्र ल बढ़ावा दे खातिर विशेष तौर म खादी फैशन शो के तको आयोजन करे गे रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।