Home News Contact About

विज्ञापन खातिर आरो करव-

jayantsahu9@gmail.com
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

राज्यपाल सुश्री अनुसुईया उइके ह ‘भूलन द मेज’ फिल्म के कलाकार मनके करिन सम्मान



अंजोर.रायपुर। राज्यपाल सुश्री अनुसुईया उइके ले राजभवन म छत्तीसगढ़ी फिल्म ‘भूलन द मेज’ के निर्माता-निर्देशक मनोज वर्मा अउ कलाका मन ह सौजन्य मुलाकात करिन। राज्यपाल ह वर्मा अउ उंकर पूरा टीम ल राष्ट्रीय फिल्म पुरस्कार के तहत रीजनल केटेगरी म बेस्ट फिल्म के पुरस्कार मिले म हार्दिक बधाई अउ शुभकामनाएं दीस। राज्यपाल ह श्री वर्मा सहित आन कलाकार के सम्मान भी करिन। ओमन किहिन के छत्तीसगढ़ के खातिर ये गर्व के बात हावय के हमार प्रदेश म बने अउ प्रदेश के कथानक म आधारित फिल्म ल ये पुरस्कार मिले हावय। ये पूरी टीम के मेहनत अउ लगन के परिणाम हावय। मैं आप सबो के उज्ज्वल भविष्य के कामना करत हवं। आप इही रकम ले मेहनत करत रहव अउ छत्तीसगढ़ के नाम पूरा विश्व म रोशन करव। राज्यपाल ह सुझाव दिस के छत्तीसगढ़ के सामाजिक समस्या अउ नक्सल समस्या, कारण अउ ओकर समाधान म आधारित फिल्म बनावे। ओमन छत्तीसगढ़ म राष्ट्रीय फिल्म पुरस्कार प्राप्त फिल्म के मदद अउ इहां छत्तीसगढ़ी फिल्म के विकास के खातिर यथासंभव मदद दे के आश्वासन दिस।  

फिल्म निर्माता-निर्देशक वर्मा ह बताइन के ये फिल्म लेखक संजीव बख्शी के उपन्यास ‘भूलन कांदा’ म आधारित हावय। ‘भूलन कांदा’ छत्तीसगढ़ के जंगल म पाए जाने वाला अइसने वनस्पति हाबे, जेमा म पांव रखे ले कोनो व्यक्ति अपन सुध-बुध खो बैठथे अउ जब तक कोनो ओला सुरता नइ देवावे ओकर याददाश्त वापस नइ आवे। ये सामाजिक व्यवस्था के अंतर म आधारित फिल्म हावय। ये फिल्म म सामाजिक तंत्र अउ व्यवस्था म कटाक्ष करत हुए संदेश दे गे हावय। ये फिल्म 34 दिन म बने हाबे, जो करीब दो घंटे 10 मिनट के अवधि के हावय। ये फिल्म ल बनात समय हमन कई रकम के समस्या के सामना करेन, फेर पूरा टीम के मेहनत, लगन अउ इच्छाशक्ति के फलस्वरूप ये फिल्म के निर्माण करे पायेन। ये अवसर म कलाकार पुष्पेन्द्र सिंह अउ श्रीमती अनुराधा दुबे तको जुरियाए रिहिन।

कोई टिप्पणी नहीं:

टिप्पणी पोस्ट करें

जोहार पहुना, मया राखे रहिबे...

किस्सा कहिनी

Contact Us

नाम

ईमेल *

संदेश *

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
वाट्सअप- 9826753304
ई मेल : jayantsahu9@gmail.com

कला-संस्कृति-साहित्य

follow us

Twitter Twitter
Facebook Facebook
Youtube Youtube
महतारी भाखा के उरउती खातिर भारत के समाचार पत्र के पंजीयक कार्यालय नई दिल्ली म पंजीकृत ' अंजोर ' छत्तीसगढ़ी मासिक पत्रिका के anjor.online वेब संस्करण म छत्तीसगढ़ी बुलेटिन, किस्सा-कहानी अउ कला-मनोरंजन संग सोशल मीडिया के चारी, कुछ आन भाखा के अनुवाद समोखे, छत्तीसगढ़ के जन भाखा म जन-जन तक बगराथन। जुड़व ये उदीम - anjore.cg@gmail.com

सियानी गोठ

भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285