अंजोर.रायपुर। टीबी (तपेदिक) के सेती होवइया स्वास्थ्गत, सामाजिक अउ आर्थिक दुष्परिणाम के प्रति लोगन ल जागरूक करे खातिर हर साल 24 मार्च के विश्व क्षय दिवस मनाये जाथे। भारत सरकार साल 2025 तक देश ले टीबी के बीमारी ल खतम करे बर प्रतिबद्ध हाबे। छत्तीसगढ़ तको 2023 तक प्रदेश ले टीबी ल खतम करे खातिर कार्ययोजना म बुता करत हाबे। सरी दुनिया म ये साल विश्व क्षय दिवस ‘द क्लॉक इज टिकिंग’ (The Clock is Ticking – घड़ी चल रइही) के थीम म मनाये जाही। वैश्विक महामारी कोविड-19 के कारण पिछले एक वर्ष म टीबी के रोकथाम के लक्ष्य ल प्राप्त करे म में बाधा आहे। छत्तीसगढ़ म वर्ष 2020 म 29 हजार 358 टीबी के मरीज मनके पहचान करे गिस जो 2019 के तुलना म 30 प्रतिशत कम हाबे।
मिले आरो के मुताबिक राज्य सरकार कोति ले टीबी के जांच के बर प्रदेश भर के सामुदायिक स्वास्थ्य केंद्र म चरणबद्ध ढंग ले ट्रूनॉट मशीन के स्थापना करे जाही। सबो सामुदायिक स्वास्थ्य केन्द्र म मशीन के स्थापना ले लोगन ल स्थानीय स्तर म टीबी के जांच के सुविधा मिलही। टीबी के मरीज के पहचान अउ इलाज म तेजी आही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।