Gariyaband Police : रायपुर के दू हीरा तस्कर 12 नग हीरा के धरे गरियाबंद पुलिस के हाथ लगिस

अंजोर.गरियाबंद। छत्तीसगढ़ पुलिस के पुलिस महानिदेशक के दिशा निर्देश अउ पुलिस महानिरीक्षक रायपुर रेंज रायपुर के मार्गदर्शन म जिला गरियाबंद क्षेत्र म अपराध के रोकथाम अउ अपराध म नियंत्रण करे अउ अपराधी म लगाम कसे खातिर गरियाबंद पुलिस कप्तान भोजराम पटेल डहर ले जिला गरियाबंद के सबो थाना प्रभारी मनके त्वरित अउ निष्पक्ष कार्यवाही बर निर्देशित करे गे हावय। जेमा जिला पुलिस बल डहर ले शराब, गांजा, हीरा अउ वन्य प्राणी के खाल के तस्कर ल पकड़े अउ ए रकम के गंभीर अपराध के रोकथाम बर सतत मुखबिर लगाके जादा ले जादा कार्यवाही करे जात हावय अउ पुलिस बल ल ए क्षेत्र म काफी सफलता मिले हावयद्य।

मिले आरो मुताबिक थाना प्रभारी छुरा निरीक्षक संतोष भुआर्य ल मुखबिर ले आरो मिलिस के दू आदमी टाटा इण्डिका विस्टा कार क्रमांक एमपी 08 टी 9214 ले अवैध रूप ले हीरा खनिज पत्थर लेके गरियाबंद ले छुरा कोति जात हावय। सूचना म गरियाबंद जिला के पुलिस अधीक्षक महोदय भोजराम पटेल के दिशा निर्देशन, अतिरिक्त पुलिस अधीक्षक सुखनंदन राठौर, संतोष महतो के मार्गदर्शन अउ उपपुलिस अधीक्षक रूपेश डाण्डे के पर्यवेक्षण म थाना प्रभारी छुरा निरीक्षक संतोष भुआर्य के नेतृत्व म एक संयुक्त टीम के गठन करके सूचना के तस्दीकी अउ आरोपी के घेराबंदी करे शासकीय महाविद्यालय मेन रोड छुरा के पास पहुंचके बताये वाहन ल रोक करके पूछताछ करे म वाहन चालक डहर ले अपन नाम जितेन्द्र शर्मा पिता महेश शर्मा उमर 37 साल निवासी शिवानंद नगर खमतराई रायपुर अउ बगल शीट म बइठे आदमी ह अपन नाम सैय्यद जिशान पिता मुनाजिर हुसैन उमर 31 साल साकिन शिवानंद नगर खमतराई रायपुर होना बताइन। 

तलाशी अउ उंकर वाहन टाटा इण्डिका विस्टा कार ल जितेन्द्र शर्मा के कब्जा ले 07 नग अउ सैय्यद जिशान के कब्जा ले 05 नग हीरा पत्थर कुल 12 नग, किमती 2.50.000 रूपिया जप्त करके आरोपी मनला हिरासत म लेके थाना छुरा लाके उंकर विरुद्ध अपराध धारा 379 भादवि 04(21) माईनिंग एक्ट पंजीबद्ध करके विवेचना करे जात हावय। पुलिस के बतारी दुनो आरोपी  जितेन्द्र शर्मा अउ सैय्यद जिशान के वैधानिक कार्यवाही करके न्यायिक रिमांड म गरियाबंद जेल भेजा गिस हावय। ये कार्यवाही म थाना छुरा के निरीक्षक संतोष भुआर्य, सउनि श्रवण विश्वकर्मा, प्रधान आरक्षक राघवेंद्र तोमर, आरक्षक हरिहर साहू, माधव साहू, मोहित चुरेन्द्र, सुशील पाठक, जयप्रकाश मिश्रा, रवि सिन्हा, दीसप्तनाथ प्रधान अउ चुडामणी देवता के सराहनीय भूमिका रिहिस।