अंजोर.रायपुर। राज्यपाल सुश्री अनुसुईया उइके अउ मुख्यमंत्री भूपेश बघेल ह रायपुर के वरिष्ठ पत्रकार अरूण कुमार बंछोर के निधन म गहरा दुख प्रकट करे हावय। अरूण कुमार बंछोर के आज बिहनिया एम्स रायपुर म निधन हो गे। वो 53 साल के रिहिस। स्वर्गीय अरूण कुमार बंछोर के फेफड़ा म दिक्कत होए के सेती पहिली ले ही एक निजी अस्पताल म इलाज चल रिहिन रिहिस। जेकर बाद ओला एम्स रायपुर म भरती कराया गे रिहिस। मुख्यमंत्री ह ईश्वर ले स्वर्गीय अरूण कुमार बंछोर के परिवारजन ल दुख के ए घड़ी म संबल प्रदान करे अउ दिवंगत आत्मा के शांति के खातिर प्रार्थना करे हावय। ओमन लंबा समय ले फिलिम लाइन तको जुरे रिहिस, निधान के खबर पाके सिनेमा जगत तको दुखी हावय। स्वर्गीय श्री बंछोर ह दैनिक अमृत संदेश, सन स्टार अउ राष्ट्रीय मेल हिन्दी अखबार म सेवा दे हावय।
Raipur news : पत्रकार अरूण कुमार बंछोर के निधन म राज्यपाल, मुख्यमंत्री सहित फिल्म जगत दीस भावभीनी श्रद्धांजलि
अप्रैल 01, 2021
0
Tags
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।