अंजोर.रायपुर। निजी विश्वविद्यालय अइसन शिक्षा प्रदान करय के इहां ले निकले विद्यार्थी देश के बाहर जाके कही सके के छत्तीसगढ़ म शिक्षा पाए हावय। कोरोनाकाल म निजी विश्वविद्यालय ह ऑनलाइन शिक्षा अउ आन माध्यम ले विद्यार्थी ल बेहतर शिक्षा दे के प्रयास करत हावय, ये सराहनीय हावय। यह बात राज्यपाल सुश्री अनुसुईया उइके ह राजभवन के दरबार हॉल म आयोजित छत्तीसगढ़ निजी विश्वविद्यालय विनियामक आयोग के 16वां स्थापना दिवस समारोह म कहिन। राज्यपाल सुश्री उइके के नाम आम जनता ले मुलाकात करे खातिर वर्ल्ड रिकार्ड म दर्ज करे गे हावय। इही बेरा म गोल्डन बुक ऑफ वर्ल्ड रिकार्ड संस्था कोति ले राज्यपाल ल प्रमाण पत्र तको प्रदान करे गिस। ये सम्मान उनला 29 जुलाई 2019 ले 06 जनवरी 2021 तक एक राज्यपाल के रूप म 10 हजार 849 लोगन ले मुलाकात करे अउ उंकर समस्या सुनने के खातिर दे गिस। राज्यपाल ल उपस्थित सबो निजी विश्वविद्याल ह अभिनंदन पत्र प्रदान करके सम्मान करिन।
कार्यक्रम म छत्तीसगढ़ निजी विश्वविद्यालय विनियामक आयोग के कोति ले आयोजित वेबिनार के स्मारिका के विमोचन करे गिस। ये मउका म राज्यपाल के सचिव अमृत कुमार खलखो, डॉ. सी.व्ही. रमन विश्वविद्यालय, मैट्स विश्वविद्यालय, कलिंगा विश्वविद्यालय, आई.सी.एफ.ए.आई. विश्वविद्यालय, आई.टी.एम. विश्वविद्यालय, एमिटी विश्वविद्यालय, ओ.पी. जिंदल विश्वविद्यालय, आई.एस.बी.एम. विश्वविद्यालय, ए.ए.एफ.टी. यूनिवर्सिटी ऑफ मीडिया आर्टस, रावतपुरा सरकार विश्वविद्यालय, महर्षि यूनिवर्सिटी ऑफ मैनेजमेंट एंड टेक्नोलॉजी, के.के. मोदी यूनिवर्सिटी, देव संस्कृति विश्वविद्यालय, शंकराचार्य प्रोफेशनल यूनिवर्सिटी, भारती विश्वविद्यालय के कुलाधिपति, कुलपति अउ कुल सचिव उपस्थित रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।