व्यवस्थित नगर विकास योजना ले लोगन ल मिलही सुघ्घर सुविधा : कलेक्टर एस. भारतीदासन

अंजोर.रायपुर। कलेक्टर रायपुर डॉ एस. भारतीदासन ह आज कलेक्टोरेट के रेडक्रास सोसायटी सभाकक्ष म तिल्दा-नेवरा विकास योजना प्रारूप खतिर गठित समिति के सदस्य मन संग विस्तृत चर्चा करिन। ये मउका म कलेक्टर ह बताइन के प्रस्तावित तिल्दा-नेवरा विकास योजना के प्रारूप अवइया बछर 2031 ल ध्यान म रखके बनाये जाना हावय। येकर बर सुव्यवस्थित अधोसरंचना, पेयजल, उद्योग के विकास, पर्यावरण के सुरक्षा, मनोरंजन के साधन, खेलकूद के पर्याप्त जगह आदि ल ध्यान म रखके करे जाही। दीर्घकालीन पर्यावरणीय अउ उद्योग आधारित सामाजिक-आर्थिक गतिविधी म सुधार करके क्षेत्र के भावी आवश्यकता के पूर्ति करे के केंद्र के रूप म तिल्दा-नेवरा निवेश क्षेत्र के विकास करे जाही।

जानबा होवय के राज्य शासन कोति ले छत्तीसगढ़ नगर अउ ग्राम निवेश अधिनियम,1973 के धारा17(क) के अन्तर्गत तिल्दा-नेवरा निवेश क्षेत्र के विकास योजना तैयार करे खातिर समिति गठित करे गे हावय। तिल्दा-नेवरा निवेश क्षेत्र के उत्तर म ग्राम बिलाड़ी अउ खपरीकला ग्राम के उत्तरी सीमा, पश्चिम म ग्राम टंडवा, भुरसुदा,परसदा अउ बिलाड़ी ग्राम के पश्चिमी सीमा तक, दक्षिण म ग्राम सिरवे, बहेसर, कुंदरू अउ टंडवा ग्राम के दक्षिणी सीमा तक अउ पूर्व म ग्राम खपरीकला, सिनोधा, नेवरा, कोहका अउ सिरवे ग्राम के पूर्वी सीमा तक निर्धारित करे गे हावय। बइठका म समिति के सदस्यगण अउ नगर अउ ग्रामीण निवेश विभाग के संयुक्त संचालक उपस्थित रिहिस।