अंजोर.महासमुंद। पुलिस अधीक्षक महासमुंद के निर्देश म थाना चौकी क्षेत्र अउ अंतर्राजीय सीमा म सघन वाहन चेकिंग के कार्यवाही चलत रिहिसे। तभे उडीसा बार्डर एन एच 53 रोड ग्राम रेहटीखोल म उडिसा कोति ले अवइया गाड़ी मनके चेकिंग के बखत स्वीफ्ट डिजायर वाहन म राजेश कुमार सिंह पिता स्व. रामाशंकर सिंह जाति भूमिहार उम्र 32 साल साकिन भेल्दी थाना भेल्दी जिला सारण बिहार हाल मनेर थाना मनेर जिला पटना बिहार अउ निशान्त कुमार यादव पिता उदयराय यादव जाति यादव उम्र 22 साल साकिन शाहपुर थाना शाहपुर जिला पटना बिहार के निवासी मन गाड़ी के पीछे सीट म बने चेम्बर म छुपाके गांजा लानत रिहिस।
चेम्बर म 50 नग खाकी रंग के टेप ले टेपिंग अवैध मादक पदार्थ गांजा बरामद करके आरोपी राजेश कुमार सिंह अउ निशान्त कुमार यादव के कब्जा ले 4 नग प्लास्टिक बोरी म भराये गांजा 100 किलो ग्राम सील बंद कीमती 10 लाख रूपिया के जप्ती करे गे हावय। पुलिस कोति ले मिले आरो के मुताबिक ओमन गांजा ल कोरापुट उडीसा ले गाजियाबाद उत्तर प्रदेश ले जाना बताइन। आरोपी मनके विरूद्ध थाना सिंघोडा म अपराध क्रमांक 04/2021 धारा 20ख नारकोटिक एक्ट कायम करके न्यायालय म पेश करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।