अंजोर.महासमुंद। भारत सरकार के इलेक्ट्रॉनिक, सूचना प्रौद्योगिकी मंत्रालय अउ विश्व के प्रसिद्ध सॉफ्टवेयर कंपनी इंटेल के सहयोग ले आयोजित कार्यक्रम एआई फॉर यूथ म देश के केवल सरकारी स्कूल के छात्र ल नवीनतम आर्टिफिशियल इंटेलिजेंस तकनीक ले रू-ब-रू कराये अउ उंकर ले समाज के समस्या के एआई के उपयोग ले समधान खातिर ये कार्यक्रम चलाये गिस। जून महीना म लॉकडाउन के समय जब स्कूल बंद रिहिस तब राज्य के हजारों बच्चा मन ये कार्यक्रम म अपना पंजीयन कराके ऑनलाइन प्रशिक्षण प्राप्त करिन। प्रशिक्षण इंटेल के विशेषज्ञ इंजीनियर ह दिस, जेकर बाद चयनित छात्र मनले प्रॉब्लम सॉल्विंग आइडियास आमंत्रित करिन। देश भर ले आये कुल आइडिया म युवा दिवस के अवसर म विभाग के एमडी अउ मुख्य कार्यपालन अधिकारी अभिषेक सिंह ह फेस 2 खातिर टॉप 100 छात्र के परिणाम जारी करिस।
जेमा छत्तीसगढ़ ले कुल 9 छात्र के चयन होए हाबे। येमा सात छात्र महासमुंद जिला के शासकीय कुलदीप निगम उच्चतर माध्यमिक विद्यालय नर्रा। एक छात्र शासकीय गर्ल्स हायर सेकंडरी स्कूल रायपुर ले अउ एक शासकीय स्कूल बेमेतरा ले हावय। फेस 2 खातिर चयनित छात्र ल इंटेल के इंजीनियर प्रशिक्षण देंही उंकर बर कार्यशाला आयोजित करे जाही जिहा चयनित छात्र के आइडिया ल वर्किंग प्रोटोटाइप म ढाले जाही अउ ओमा से टॉप 30 ल अंतिम रूप ले चयनित करे जाही।
चयनित छात्र के नाम- वैभव देवांगन, धीरज यादव, घनश्याम निषाद, यमुना यादव, हिमांशी देवांगन, परमेश्वरी यादव, गोपिका देवांगन शासकीय कुलदीप निगम उच्चतर माध्यमिक विद्यालय नर्रा जिला महासमुन्द ले अइाले अंजलि निर्मलकर, शासकीय उच्चतर माध्यमिक विद्यालय लेंजवारा जिला बेमेतरा ले अउ अंकिता नामदेव, शासकीय गर्ल्स हायर सेकंडरी स्कूल रायपुर शामिल हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।