वटगन पलारी म कुर्मी समाज के सम्मेलन म शामिल होइन मुख्यमंत्री भूपेश बघेल

अंजोर.बलौदाबाजार। मुख्यमंत्री भूपेश बघेल ह बलौदाबाजार जिला के ग्राम वटगन म आयोजित पलारी राज छत्तीसगढ़ मनवा कुर्मी क्षत्रिय समाज के 75वां राजअधिवेशन म शामिल होइन। ये मउका म ओमन ग्राम वटगन म संचालित शासकीय महाविद्यालय के भवन निर्माण अउ कुर्मी समाज के सामुदायिक भवन बनाये खातिर 35 लाख रूपिया के स्वीकृति के घोषणा करिन। ओमन प्रतिभाशाली विद्यार्थी ल समाज कोति ले सम्मानित तको करिन। सम्मेलन के अध्यक्षता कुर्मी समाज के केन्द्रीय अध्यक्ष डॉ. रामकुमार सिरमौर ह करिन। ये अवसर म राज्यसभा सांसद श्रीमती छाया वर्मा, संसदीय सचिव सुश्री शकुन्तला साहू, जिला पंचायत अध्यक्ष राकेश वर्मा, छत्तीसगढ़ राज्य कृषक कल्याण परिषद के अध्यक्ष सुरेन्द्र शर्मा अउ छत्तीसगढ़ राज्य खनिज विकास निगम के अध्यक्ष गिरिश देवांगन, पूर्व विधायक जनकराम वर्मा विशेष रूप ले उपस्थित रिहिन।