अंजोर.रायपुर। नगरीय प्रशासन अउ श्रम मंत्री डॉ. शिवकुमार डहरिया ह शनिवार के आरंग विकासखण्ड के ग्राम पलौद म 58 बछर ले होवत कबड्डी प्रतियोगिता के शुभारंभ करिन। ओमन क्षेत्रीय कबड्डी प्रतियोगिता म टॉस करके अउ खिलाड़ी ले मुलाकात करके उंकर उत्साहवर्धन करिन। पलौद के जय बजरंग दल अउ पंडरी रायपुर ले आये खिलाड़ी ल जीत खातिर हरसंभव कोशिश करे के सीख दीस। डॉ. डहरिया ह ये मउका म चंद्राकर समाज भवन के शेड निर्माण खातिर 6 लाख के विकास कार्य के भूमिपूजन तको करिन। ओमन कबड्डी आयोजक मंडल ल जनसंपर्क मद ले 25 हजार रुपिया के घोषणा तको करे हावय।
ये मउका म मंत्री डॉ. डहरिया ह किहिन के राज्य सरकार नवा नीति बनाके युवा मनला सबो क्षेत्र म आगू लाने के हर संभव प्रयास करत हावय। सरकार ग्रामीण स्तर ले ही युवा मनला खेल के प्रति रुचि बढ़ाये के काम करत हावय, ताकि प्रदेश के उत्कृष्ट खिलाड़ी सामने आये अउ राष्ट्रीय, अंतरराष्ट्रीय स्तर म छत्तीसगढ़ के नाम रोशन करें। ओमन किहिन के पलौद म सबो समाज एक साथ मिल-जुलके आपसी भाईचारा अउ सौहाद्र के साथ गाँव के विकास खातिर तत्पर हावय। पलौद के ग्रामीण मनके करे बुता आन गांव खातिर अनुकरणीय हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।