स्वास्थ्य मंत्री ह कोरबा जिला अस्पताल म निःशुल्क डायलिसिस सेंटर के करिस वर्चुअल लोकार्पण

अंजोर
0


अंजोर.कोरबा। छत्तीसगढ़ शासन के स्वास्थ्य मंत्री टी. एस. सिंहदेव ह इंदिरा गांधी जिला चिकित्सालय कोरबा म निःशुल्क डायलिसिस सेन्टर के वर्चुअल लोकार्पण करिस। ये मउका म स्वास्थ्य मंत्री ह किहिन के छत्तीसगढ़ सरकार प्रदेश म सबो बर स्वास्थ्य सेवा के उपलब्धता सुनिश्चित कराये खातिर प्रतिबद्ध हावय। इही तारतम्य म जिलावासी मनला निःशुल्क डायलिसिस सेंटर के सौगात मिले हावय। खुशी के विषय हावय के हम जनता के खातिर दिन प्रतिदिन स्वास्थ्य सेवा ल बेहतर बनाये के दिशा म कोशिश करत हावन।

डायलिसिस सेवा के शुरु होए ले कोरबा के जनता ल अब परेशान नी होनो पड़े। हम निरंतर ये दिशा म कार्य करत हावय अउ आगू तको रिबो स्वास्थ्य सुविधा ल अऊ बने सुदृढ़ बनाये जा सके। जिला अस्पताल म डायलिसिस सेंटर शुरू होए ले डायलिसिस के आवश्यकता वाले बीमार मरीज ल मुफ्त म डायलिसिस के सुविधा मिलही। जिला के बीमार मरीज मनला डायलिसिस कराये खातिर दूर शहर जाय अउ और ईलाज के महंगा खर्चा ले अब राहत मिलही। 

वर्चुअल लोकार्पण के अवसर म राजस्व आपदा प्रबंधन मंत्री जय सिंह अग्रवाल, महापौर नगर पालिक निगम कोरबा राज किशोर प्रसाद, सभापति नगर पालिक निगम श्याम सुंदर सोनी, डिप्टी कलेक्टर कोरबा आशीष देंवागन, सीएमएचओ डॉ. बी.बी.बोडे, सिविल सर्जन डॉ. अरुण तिवारी, डीपीएम पदमाकर शिंदे, एडमिनिस्ट्रेटर डायलिसिस सेंटर जुयेल साहा सहित जिला चिकित्सालय के आन अधिकारी-कर्मचारी मौजूद रिहिन।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !