सब्जी ले के ओढ़र सीतापुर बाजार पहुंचिस मंत्री अमरजीत भगत अऊ सुनिस समस्या

अंजोर.सीतापुर। प्रदेश के संस्कृति मंत्री अमरजीत भगत आज अपन विधानसभा क्षेत्र सीतापुर के पसंदीदा साप्ताहिक बाजार पहुंच के सांग सब्जी अउ फल बिसाइस। बाजार म ओमन गांव वाले मनले गोठबात करत उंकर समस्या ल तको सुनिस। मंत्री भगत ह अपन अचंल म अइसने हाट बजार करत गांव के लोगन मनके समस्या ल जाने खातिर जाथे। इही बुता के सेती तो क्षेत्र के जनता उनला पसंद करथे। भगत किथे के जनता के बीच जके उंकर जन-भावना ले जुड़के अऊ बने बुता करे के ऊर्जा इंहचे ले मिलथे।