भूपेश सरकार के खिलाफ भाजपा के आज प्रदेशभर म होइस धरना प्रदर्शन

अंजोर.रायपुर। पंद्रह साल तक सत्ता म रहे के बाद प्रदेश के भारतीय जनता पार्टी के सत्ता ले बेदखली 15 सीट तक आगे। ये बात ल तो भूपेश सरकार ह अपन केऊ मंच म कहिथे। फेर आज भाजपा के बड़का नेता ह भूपेश सरकार ल गोहार पार के केहे हाबे के पांच साल के सरकार के बाद कांग्रेस ल पांच सीट तको पाना मुस्किल हो जही। ये सब जुबानी जंग भाजपा के कांग्रेस के खिलाफ वादाखिलाफी धरना प्रदर्शन म चलत रिहिसे।

भाजपा के राष्ट्रीय उपाध्यक्ष अउ प्रदेश पूर्व मुख्यमंत्री रमन सिंह ह राजनांदगांव ले अपन आवाज बुलंद करत रिहिसे। उहंचे प्रदेश के बड़का नेता अउ पूर्व मंत्री बृजमोहन अग्रवाल रायपुर म, अजय चंद्राकर ह कुरूद ल धरना प्रदर्शन करिन। भाजपा ह किसान, धान खरीदी, शिक्षक भर्ती जइसे अनेक मुद्दा म सरकार ल घेरत ज्ञापन तको सैपिन हाबे।