बर्ड फ्लू ले साव-चेत करत रैपिड रिस्पांस टीम ह जंगल सफारी रायपुर के करिस भ्रमण

अंजोर.रायपुर। बर्ड फ्लू ल देखत रायपुर जिला के कलेक्टर डॉ एस.भारतीदासन ह जिला म पूरा सतर्कता अउ सुरक्षा बरते के निर्देश दे हावय। इही कड़ी म संयुक्त संचालक, पशु चिकित्सा सेवायें के निर्देशन म जिला स्तरीय रैपिड रिस्पांस टीम ह जंगल सफारी, रायपुर के भ्रमण करे हावय। टीम के सदस्य संग जंगल सफारी के पशु चिकित्सक अउ परिक्षेत्र अधिकारी ह जलीय पक्षी मनके आवास क्षेत्र के निरीक्षण करिस। ये मउका म सर्विलांस अउ जैव सुरक्षा उपाय म तको चर्चा करे गिस। वर्तमान म जंगल सफारी रायपुर म तकरीबन 130 मस्कोवी बतख अउ 16 मंजूर हावय, जोन मन अभी स्वस्थ्य हावय।