अंतागढ़ के अवैध रेत उत्खनन म बड़का कार्रवाई, 9 ट्रैक्टर जप्त

अंजोर.बस्तर। प्रदेश म अवैध उत्खनन म सरलग कार्रवाई होवत हावय। उत्तर बस्तर कांकेर जिला के राजस्व विभाग कोति ले अंतागढ़ क्षेत्र म होवत अवैध रेत उत्खनन म छापामार कार्यवाही करे गिस। जेमा रेती ले भरे 9 ट्रैक्टर वाहन ल मउका म कोनो दस्तावेज प्रस्तुत नइ करे के सेती जप्ती करे गिस। अंतागढ़ क्षेत्र म जोगी नदी म 5 हेक्टयर ह खदान स्वीकृत करे गे हावय। येकर अलावा अंतागढ़ म आन क्षेत्र ले तको सरलग अवैध उत्खनन के आरो मिलत रिहिसे जेमा राजस्व प्रशासन के टीम ह कार्यवाही करे हावय।