प्रधानमंत्री के कोरोना वैक्सिन टीकाकरण के तइयारी बइठका म वीडियो कॉन्फ्रेंसिंग ले सामिल होइन मुख्यमंत्री भूपेश बघेल

अंजोर.रायपुर। कोविड-19 के टीकाकरण खातिर देशभर म तियारी चलत हाबे। इही ओढ़र म आज प्रधानमंत्री नरेंद्र मोदी जी ह कोरोना वैक्सिन के टीकाकरण के तइयार के आरो ले खातिर वीडियो कॉन्फ्रेंसिंग ले राज्य के मुख्यमंत्री मनके बइठका के आयोजन करिन जेमा छत्तीसगढ़ के मुख्यमंत्री भूपेश बघेल तको शामिल होइसे।

ये मउका म गृह मंत्री ताम्रध्वज साहू, स्वास्थ्य मंत्री टी.एस. सिंहदेव, नगरीय प्रशासन अउ विकास मंत्री डॉ. शिव कुमार डहरिया, प्रभारी मुख्य सचिव अउ गृह विभाग के अपर मुख्य सचिव सुब्रत साहू, मुख्यमंत्री के सचिव सिद्दार्थ कोमल परदेशी, स्वास्थ्य विभाग के सचिव आर.प्रसन्ना, राष्ट्रीय स्वास्थ्य मिशन के संचालक डॉ. प्रियंका शुक्ला, नगरीय प्रशासन विभाग के एडिशनल डायरेक्टर सौमिल रंजन चौबे अउ मुख्यमंत्री सचिवालय म उपसचिव सुश्री सौम्या चौरसिया तको उपस्थित रिहिन।