बिल्हा थाना क्षेत्र म महिला संग अनाचार के आरोपी तखतपुर ले गिरफ्तार

अंजोर.बिलासपुर। पुलिस के कार्यशौली म अब बड़का बदलाव देखे बर मिलत हाबे खास करके महिला शोषण के मामला म। लघियात कार्यवाही होवत हाबे अउ आरोपी ल तुरते गिरफ्तार करे जाथे। पाछू बिलासपुर जिला के बिल्हा थाना क्षेत्र म होए अनाचार के घटना म पुलिस ह आरोपी ल गिरफ्तार करे म सफलता पाये हाबे। पुलिस कोति ले मिले आरो के मुताबिक बलात्कार के आरोपी ल अधिकारी मनके मार्गदर्शन म पतासाजी करत तखतपुर के गांव म ले खोज निकलके गिरफ्तार करके जेल भेजे गिस।