अंजोर.रायपुर। राज्यपाल सुश्री अनुसुईया उइके ह आज स्वामी विवेकानंद जी के जयंती के मउका म छत्तीसगढ़ विधानसभा परिसर के स्वामी विवेकानंद जी के प्रतिमा म पुष्प अर्पित करिन। ये मउका म विधानसभा अध्यक्ष चरणदास महंत, कृषि मंत्री रविन्द्र चौबे, वरिष्ठ विधायक सत्यनारायण शर्मा अउ सांसद श्रीमती ज्योत्सना महंत उपस्थित रिहिस। राज्यपाल ह किहिन के आज स्वामी विवेकानंद जयंती हावय। ये मउका म उनला मैं नमन करत हवं। स्वामी विवेकानंद ह सरी देश ल ये संदेश दीस रिहिस के देश के युवा पीढ़ी ही देश ल शक्तिशाली बना सकत हाबे। वे युवा मनले कहाय के उठव, जागव तब तक झिन रूकव जब तक लक्ष्य के प्राप्ति नी होवे। आज हमार युवा साथी स्वामी विवेकानंद ल प्रेरणास्त्रोत मानकर राष्ट्र सेवा म लगे हाबे।
राज्यपाल ह विधानसभा के भ्रमण करिन अउ सेंट्रल हॉल के सामने पूर्व राष्ट्रपति श्रीमती प्रतिभा पाटिल के रोपे कदम्ब के वृक्ष के अवलोकन करिन। साथ ही सौंदर्यीकरण करे निर्देश तको दिस। ये मउका म विधानसभा अध्यक्ष महंत ह राज्यपाल ल शाल अउ स्मृति चिन्ह देकर सम्मानित करिन। कार्यक्रम म विधायक कुलदीप जुनेजा, पूर्व विधायक गुरूमुख सिंह होरा, रायपुर विकास प्राधिकरण के अध्यक्ष सुभाष धुप्पड़, विधानसभा के प्रमुख सचिव चंद्रशेखर गंगराड़े तको उपस्थित रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।