छत्तीसगढ़ म पहुंचगे कोरोना वैक्सीन के पहिली खेप, 16 जनवरी ले शुरू होही टीकाकरण

अंजोर.रायपुर। कोविड-19 खातिर देशभर अब वैक्सीन ल लेके गजब आनतान गोठ चलत हाबे। का होही, कइसे होही अऊ इही सब गोठ के बीच आज कोरोना वैक्सीन के पहिली खेप छत्तीसगढ़ बर पहुंचगे हावय। एजेंसी ले मिले आरो के मुताबिक छत्तीसगढ खातिर फ्लाइट ले 3 लाख 22 हजार कोरोना वैक्सीन रायपुर पहुंचगे हावय। अउ येकर टीकाकरण के बुता हर 16 जनवरी ले शुरू होही। जानबा होवय के शासन प्रशासन कोति ले पहिली ले ही येकर सबो तइयारी करके राखे गे हावय। सबो जिला म अभ्यास तको होगे हावय संग कोन-कोन ल पहिली टीका लगाये जाही येकरो सूची तइयार हावय।